زەیدی وە سەرۆکایەتی شاندیگ بەرز وەرەو عەممان چوود ئەرا ئیمزاکردن یاداشتنامەیل لەیەکفامستن
شەفەق نیوز - بەغداد
سەرۆک وەزیران عراق عەلی زەیدی، ئمڕوو دوشەممە، پایتەخت بەغداد وەجیهیشت وە ئاڕاستەی شانشین ئوردن هاشمی، لە سەردانیگ فەرمی وە سەرۆکایەتی شاندیگ ئاست بەرز.
قسەکەر وەناو حکومەت حەیدەر ئەلعبودی، لە لێدوانیگ لە ری ڤیدیۆییگ کە رەسیە ئاژانس شەفەق نیوز، وت: زەیدی وەگەرد پاشای ئوردن مەلیک عەبدوڵای دویەم کوەوبوود، ئەرا باسکردن هاوکاری ناوەین دو وڵاتەگ و نواچگنەیل ناوچەگە و ئەو وەرپرسیارەتییەیلە کە خریەێدە وەبان وڵاتەگە.
دیاریکرد، لە سەردانەگە یاداشتنامەیل لەیەکفامستن واژوو کریا کە ری ئەرا بەرنامەیل ئابووری و ئەوزەڵدان هاوبەش واز کەێد کە خزمەت بەرژەوەنییەیل دو وڵاتە براگە کەێد.
داریکرد، سەردانەگە، لە ئی وەختە، وەرجەستەی نوڕینیگ هاوبەش کەێد لە ناوەین بەغداد و عەممان ئەرا فراوانکردن راوێژکاری عەرەبی و هەرێمی کە پشتگیری لە چارەسەرەیلیگ کەێد کە پارێزگاری لە ئاسایش ناوچەگە و سەقامگیری گەلەیلی کەێد.
بڕیارە زەیدی سەردانیگ فەرمی ئەرا لبنان و سوریا بکەێد لەماوەی ئی هەفتە وەپای ئەوەگ سەرچەوەیگ ئەرا ئاژانس شەفەق نیوز خەوەر دا.
زەیدی سەردان پایتەخت سعودیە رەیاز کرد لە، چوارشەممەی گوزەشتە، لە چوارچمگ سەردانیگ فەرمی لە ناو گەردینیگ کەنداوی کە کوێتیش گرێدەو.
