ئیران هیزگرێد.. ناڕەزایەیل تویڕە و داوەزیان بیوینەی تومان

شەفەق نیوز/ ئیران شەپوول ناڕەزایی بەرزیگ بیوینە وەخوەی دوینێد، وەگەرد قەیران ئابووری و داوەزیان دراو نیشتمانی ئەرا ئاستەیلیگ پەیمانەیی، کە نرخ دۆلار ئەمریکی رەسیە  95,300 تومان، لە وەختیگ نرخ پارچەی تەڵا رەسیە 79 مليۆن تومان.

ئی داوەزیانە لە نرخ دراو دویای قسەی ریبەر ئیرانی عەلی خامەنەئی تیەێد، کە دووارەی رازینەوینی لە دانوسەنین وەرد ئەمریکا کرد، کە بویە نەمان دڵنیایی لە بازاڕەیل.

 خوەینشاندان رەسیە جویراجویر شارەیل ئیرانر کە تەبریز، سنە، هرمزجان، مەريوان وبيجار ناڕەزایی فراوانیگ لەلایەن خانەنشینەیل کۆمپانیای پەیوەندی وەخوەیان دین، کە بە چەن مانگیگە هەر رووژیگ دووشەممە لە هەفتەیگ گردەو بوون.

ناڕەزایەیل داوای نووەوکردن شایستەیل چەودیاریکردن کۆمەڵایەتی ئەرا ساڵەیل 2022 و2023 کردن، و چارەکردن گیچەڵ بیمەی تەواوکەر، و خەرجکردن شایستەیل وەرین وەگورەی نرخەیل ئیسە.

لە کەرت وزە، کراکارەیل پاڵاوگەی پارس باشووری چوارەم نارەزایی لەبان بەدی کرا و رەوشەیل کار کردن، و دووپات کردن کە زیان لە کەمی مووچە وەرانوەر خەرج گوزەران دوینن.

 لە کەرت تەندروسی، پەرستار و کارمەنەیل لە خەسەخانەی "مرداني ئازەر" لە شار تەبریز گردەوبوین ناڕەزایی ئەنجام دان، و داوای خاسەوکردن مووچەیل و چارەکردن گیچەڵەیل ژیانگوزەرانی کردن، و دروشم  "بیدەنگی هەر پەرستاریگ خیانەتە ئەرا هاوکاری".

لە تەهران، فەرمانبەرەیل زانکۆی تەهران وسیانیگ ناڕەزایی لە جادەی 16ی ئادار رێکخستن، لەبان کەمی مووچە و بانوخاریی ناوەین بەشەیل جیایا لە زانکۆ.

ئەوانەگ داوای فەرمانبەری لە وەزارەت جیهاد کشتوکاڵی پیشکەش کردنە، ئەوانیش ناڕەزایی لە وەردەم بارەگای ریخریاگ کاروبار دامەزرانن رێک خستنڕ دویای کەمەوکردن شمارەی فەرمانبەریەیل لە 19 ألف دەرفەت کار ئەرا تەنیا 10 هەزار، کە بویە مدوو بیبەشکردنیان لە دەرفەت کار.