ئۆپراسیۆنیگ تایبەت لە بەغداد.. ئاسایش دوو وەرپرس وەرین ئازاد کەێد و دەور لایەنیگ چەکدار گرێد کە تەقەمەنی وەپیان بۊە

شەفەق نیوز - بەغداد

قسەکەر فەرمی وەناو دەزگای ئاسایش نیشتمانی، ئەرشەد حاکم، ئمڕوو شەممە، راگەیان لە ئەنجامداین ئۆپراسیۆنیگ ئەمنی تایبەت لە بەغداد کە بۊە مدوو ئازادکردن دوو وەرپرس حکوومی وەرین لە دەس بڕفنەرەیلیان، و دەسگیرکردن 8 تومەتبار وە ئەندامبۊن لە لایەنیگ چەکدار لە یاسا دەرچگ.

حاکم لە کۆنگرەیگ رووژنامەوانی کە نۊسینگەی راگەیانن دەزگاگە بڵاوی کرد وت، تومەتبارەیل ماشینیگ وە تابلۆی ساختەوە وەکار هاوردنە ئەرا ئەنجامداین تاوان رفاننەگە، و ڕفیاگەیل لە ناوەین چەن شوینیگ ئاڵشت بۊنە.

 دیاری کرد کە لێکۆڵینەوەیل رەسینە دەسناین وەبان ئەمماریگ چەک و تەقەمەنی لەناو یەکیگ لە شوینەیل پەرستش، کە چەک قورس و ناوڕاس و قازیفە و بومب چنریاگ و دەسبومب و تفەنگ قەناس لەخوەی گردۊ، بیجگە لە دەسناین وەبان 225 کیلۆگرام لە ماددەیل تەقەمەنی.