دەسگیرکردن سێ "تیرۆرست رخدار" لە باکوور خوەرهەڵات دیالە

شەفەق نیوز/ فەرماندەی پۆلیس دیالە لیوا روکن محەمەد کازم  عەتیە، ئمڕوو سێشەممە، راگەیان سێ داواکریاگ "رخدار" دەسگیرکریا وەپای مادەی چوار لە یاسای دژە تیرۆر.

لیوا روکن عەتیە، لە بەیاننامەیگ ئمڕوو وت "پرۆسەی دەسگیرکردنەگە لەماوەی ئۆپراسیۆنیگ ئەمنی جۆری هاوبەش ناوەین مەفرەزەیل پۆلیس دیالە و ئەمن نیشتیمانی بوی وە پشت بەسانن وە زانیاری هەواڵگێری هویردەیل ئەرا چەودێریکردن و دیاریکردن شوینیان دەسگیرکردنیان".

وەپای بەیاننامەگە، "رێکارەیل یاسایی وەانوەری گیرێدەوەر و دریانەس دەس دادگا".