دەسگیرکردن تیرۆرستەیل "رخبەریگ" و ئازادکردن مناڵیگ رفیاگ لە بەغداد

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە دەسگیڕن دوو توومەتبار "رخدارەیلیگ" وە توومەت تیرۆر و کوشیان دوو  مەدەنی لە خوەرهەڵات بەغدای پایتەخت.

سەرچەوەگە وە ئاژانس شەفەق نیوز وت، هێزە ئەمنیەیل  توەنستن دوو توومەتبار دەسگیربکەن  کە وە ئەندامەیل رخبەریگ دانریەن، لەناوچەی زەورا، وتیش ئۆپراسیۆنەگە  لەی کوڵەی تونیگ جیوەجی کریاس،  لە ئەنجام دوو توومەتبار داواکریاگ وەپای بڕگە مادەی 4 لە یاسای دژە تیرۆر ، هەمیش وە تاوان تەقەکردن لەبان ماڵەی نیشتەجیبوین لە ئەنجام وردەوردەیل هووزانە.

وتیش، لە  رویداو تەقەکردنەگە لە ئنجام دوو کەس لە ئەندامەیل خاوەن ماڵەگە کوشیانە، دیاریکرد رێکار یاسایی وەرانوەر توومەتبارەیل گیرێدەوەر و ئەرا لایەنەیل پەیوەنیدار کلکریانە.

لە خوەرهەڵات بەغدادیش، سەرچاوەیگ ئەمنی خەوەردا هێزەیل ئەمنی توەنستنە مناڵ رفیایگ ئازادبکەن و رفێنەرەیل دەسگیر بکەن لە ناوچەی بەلەدیات.

سەرچەوەگە وە ئاژانس شەفەق نیوز وت، هێزەیل ئەمنی وە لایەن داڵگ مناڵەگە خەوەردارکریانە، دەسوەجی دەسکریاس وە چەودێریکردن کامێرەیل چەودێری و رەسینەس وە توومەتبار و دەسگیری کردنە.

 وتیش، بڕفنەگە بەندکریاس وەپای رێکارەیل یاسایی و ئەرا وەرگردن رێکارەیل یاسای وەرانوەری.