دەسپاکی دەسنیشان دەسکارییگ لە دارایی گشتی کەێد لەلایەن وەزیریگ لە حکومەتەگەی عبادی.. بەڵگە
شەفەق نیوز/ دەزگای دەسپاکی فیدڕاڵی، ئمڕوو شەممە، ئاشکراکرد لە دەسکاریکردن کازم فنجان حمامی وەزیر گواستنەوەی وەرین وە ماڵداری گەل و دەسکاری لە گریەبەسیەگان و کەمەوکردنەگان لە مەوقەی وەرگردنی ئەرا وەزرەتەگە لە ٢٠١٤-٢٠١٨ .
دەسگاگە لە بەیاننامەیگ فەرمی ئاڕاستەی کردە وەزارەت گواستنەوە/ فەرمانگەی یاسایی، و ئاژانس شەفەق نیوز چەودیریی کرد وت: فەرمان دادگای لێکۆڵینەوەی تایبەت وە باوەتەیل دەسپاکی لە پارێزگای بەسرە لە بروار ١/٧ ئەرا لێکۆڵینەوەکردن ئیدارەیی لەباوەت ئەو سکاڵاگ رەسیەسە پیمان لە ری دادگای لێکۆڵینەوەی باوەتەیل دەسپاکی لە بەسرە تایبەت وە دەسکاریکردن کازم فنجان حمامی وە دارایی گەل.
وتیش؛ وەزیرەگە دەسکاری گریەبەسیەگان و کەمەوکردنەگان کرد، و پشتگیری ژمارەیگ لە مقاولەگان ، وەبی پاوەنی وە مەرجەیل گریەبەسیەگان، و ناوماڵی کردن نووسینگەگەی خوەی لە خەرج کۆمپانیای بەندەرەیل عراقی و کومەڵەگە ک گوایە ئەرا بیناکردن زانکۆی بەندەرەیل عراقی کریاگە، و خەڵەتانن یاسا و رەوانەکردن کتاویگ وە تەرخانکردن بەشەیل زەویی وەبی بەڵگە، و فرە باوەتەیلیگ تر، وەبی هیچ گریەبەسییگ تا ئی مەوقە.
هەمیش وت؛ ئەوە گشتی بویە هووکار گومابوین گەورایگ لەباوەت گریەبەسی رەسیفەیل بەندەرەگان ئەرا داهات و کراگان، نەگ لەبنەمای یاسای فرووشتن و کراداین ماڵداری دەوڵەت، و داوا وە لێکۆڵینەوەی ئیدارەیی کرد، و خەوەرداین لە ئەنجامەگانی..
