دیالە مزگانی وەرزیگ بەرهەمدار دەێد.. واران خوازینەیل گشت تاوسان خستە پشتدەس
شەفەق نیوز/ موهەنەد مەعمووری وەڕیەوبەر سامانەیل ئاو لە پارێزگای دیالە، ئمڕوو یەکشەممە، ئاشکرا کرد کە ئاو نووشین و ئاویاری ئەرا تاوسان ئایندە وەشیوەی تەواویگ خریا پشتدەس، دویای ئەو شەپوول وارانە لە پارێزگاگە.
مەعمووری ئەرا ئاژانس شەفەق نیوز وت: ئی شەپوول وارانە لە ماوەی ساعەتەیل گوزەشتە، 48 ملم لە گشت ناوچەیل پارێزگای دیالە بوی، کە جویر ئاویارییگ تەواوە ئەرا پلان کشتوکاڵی ئیرنگە، کە لە 300 هەزار دۆنەم رەد کەێد، گرنگترینیان گەنمە.
وتیش؛ زەوییەیل کشتوکاڵی تەنیا کۆتا ئاویاری خوازن، کە مەوقەی کەفێدە ناوەین 25 ئادار/مارس و25 نيسان/ ئەپريل.
وتیش: رفتی وارانەگە دەسمیەتی لە چگن ڕاو و تەکانەیل لە بەنداوەیل دا، و ئەمار ئاوەگە لەناویان زیایەو کرد، دیارترینیان دەریاچەی حەمرین کە ئەمارەگەی رەسیە زیاتر لە 60 % لە گشت توانای کە رەسێدە زیاتر لە دوو ملیار مەتر شەشپاڵوو.
مەعمووری دووپاتیش کرد کە ئەمار ئاو ئیسە لە دیالە خوازینەیل تاوسان ئایندە وە تەواوی خەێدە پشتدەس، هەرلە ئاو نووشین تا ئاویاری، و داوا لە کشاوەرزەیل کرد زیایخەرخکردن لە ئاو نەکەن و پشت وە ئاویاری نوو بوەسن، و سوود لە جیاوازیی بگرن.
جی باسە کە دیالە لە ماوەی ساعەتەیل گوزەشتە شەپوول واران رفتیگ وەخوەی دی، فرەگەی لە ناوچەیل خوەرهەڵات و باکوور و خوەرئاوا بوین، کە لافاوەیل گەورەیگ وەرەو دەریاچەی حەمرین تەکان خواردن.
