دیالە دۊمین خوەیکوشتن دۊتیگ گەنج لە ماوەی کەمتر لە 24 سەعات تومار کەێد
شەفەق نیوز- دیالە
سەرچەوەیگ ئەمنی لە دیالە، ئمڕوو جمعە، خەوەر دا لە تومارکردن دۊمین خوەیکوشتن ئەرا دۊتیگ گەنج لە ماوەی کەمتر لە 24 سەعات لە پارێزگاگە.
سەرچەوەگە ئەرا ئاژانس شەفەق نیوز وت، کە خوەنەواریگ ئامادەیی لەداڵگبۊ 2010 خوەی کوشتیە لەڕی سزانن خوەی وە نەفت چەرمگ لە حەمامیگ دەیشتەکی لەناو ماڵەگەی لە قەزای خاڵس شەوەکی زۊ ئمڕوو.
دیاری کرد کە وەپەی قسەی کەسوکارەیلی، دۊتە گەنجەگە وەدەس کێشەیل دەروینی و خیزانی ناڵانیە، و وتیش کە تەرمەگەی ئەرا فەرمانگەی پزیشک دادوەری بریا ئەرا تەواوکردن رێکارە یاساییەیل و وازکردن لێکۆڵینەوە لەباوەت رۊداوەگە.
یەیش دویەمین خوەیکوشتنە کە پارێزگاگە لە ماوەی کەمتر لە 24 سەعات توماری کەێد، وەختیگ سەرچەوەیگ ئەمنی ئیوارەی دۊکە پەنجشەممە وە ئاژانس شەفەق نیوز خەوەر داۊد، کە خوەنەواریگ لە پۆل شەشەم ئامادەیی لەداڵگبۊ 2007 لەناو ماڵەگەی وە مدووەیل نادیار لەڕی هەڵواسین خوەی کوشتیە، و لێکۆڵینەوە لەباوەت رۊداوەگە واز کریا، و دەس گیریاسە بان مۆبایلەگەی و دەفتەریگ تایبەت و نامەیگ نۊسیاگ وەرجە خوەیکوشتنی.
