دیالە.. خوەیکوشتن پیاویگ شەس ساڵە وە هاوکارەیل ناودیاریگ

2023-01-23T14:50:47.000000Z

شەفەق نیوز/ سەرچەوەیگ ئەمنی لە پارێزگای دیالە، ئمڕوو دووشەمە،خەوەردا لە خوەیکوشتن پیاویگ لەناو تەمەن شەس ساڵە لەناو شوقەیگ لەناوڕاس بەعقووبە، وە هوکارەیل ناودیاریگ.

سەرچەوەگە ئەرا ئاژانس شەفەق نیوز وت: پیاویگ لەداڵگبوی ١٩٦٣ لە خەڵک خانەقین، لەناو شوقەیگ نزیک چەم خرێسان، ناوڕاس بەعقووبە، وە هوکارەیل نادیاریگ وە گولە لەخوەی داگە.

سەرچەوەگە وتیش: ئەو شوقە ک پیاوەگە لەناوی خوەی کوشتیە، هن خاوەن دوکان ئاڵشتکردن دراو ناودیاریگە لە بەعقووبە، وەگەرد خەوەریگ دڵنیایی لەلی نییە  گوایە بکوشەگە لەناو کۆمپانیایگ دراو کار کەێد،  و دووپات کرد ک هیزەیل ئەمنیەی رەسینە شوین رویداوەگە و تەرمەگە ئەرا پزشک دادوەری کلکردن، و لێکۆڵینەوە ئەرا رەسین وە بندروس رویداوەگە واز کردن.

Shafaq Live
Shafaq Live