دویای 8 ساڵ لە وایین.. دەسگیرکردن تاوانباریگ کە وە غیابی لە بابل سزادریاس
شەفەق نیوز ـ بابل
فەرماندەیی پۆلیس بابل، ئمڕوو دووشەممە، راگەیان تاوانباریگ وایە و نزیکەی هەشت ساڵ خوەی لە چەو شاردیەسەو، دەسگیر کریا، دویای ئەوەگ وە سزای غیابی وە 15 ساڵ زیندان سزادریا، لەبان پەلاماریگ کە ساڵ 2018 لە پارێزگاگە ئەنجامداوێد.
پۆلیس بابل، لە بەیاننامەیگ رەسیە ئاژانسی شەفەق نیوز وت؛ سێ تاوانبار وە مدوو ئەو رووداوە فەرمان دەسگیرکردن دادوەرییان دەرچگە، وەرجە ئەوەگ بتوەنن بوان و خوەیان لەوەر چەو بشارنەو، لەوەختیگ دادگا لە ساڵ 2020 سزا غیابی ئەرا تاوانبارکردنیان و سزادانیان وە 15 ساڵ زیندان دەرکرد.
وتیش دەزگا ئەمنیەیل وەردەوام بوین لە وەدویاچگن تاوانبارەیل، وە بەشداری تیمیگ لە لێکۆڵەرەوەیل لە بەش رویوەرویبوین تاوان رافیدەین "جبەلە"، وەرد پسپۆڕەیل لە لێکۆڵینەوە و ئاسایشی سایبەری.
ئاشکرایکرد لە پرۆسەی وەدویاچگن پشت وە شێواز تەکنیکی بەسابوی، جویر دیاریکردن شمارە مۆبایلە نووەیل کە تاوانبارەیل وکاری هاوردن، چەودێریکردن ئەکاونتەیل تووڕەیل کۆمەڵایەتیەیل کە پەیوەنی وەپی داشتە، و لێکەوداین بڵاوکریاگ و گفتوگۆەیل کە لە گرووپە ئەلیکترۆنیەیل کریان، وەرد بەسانن زانیاریە دیجیتاڵیەیل وە زانیاریەیل مەیدانی.
دووپاتکرد تاوانبارەگە وە پایی ئەو مادە یاساییەی ئاماژەی پێکراو گیریا، ئەرا ئامادەکردن کلکرنی ئەرا دادگای پەیوەندیدار ئەرا پشتڕاستکردن سزای غیابی دەرچگ دژ وەگەردی و جیوەجیکردن رێکارە یاساییە پێویستەیل.
