دويای تەقیانی.. دووارە کلکردن گاز لە کێڵگەیل عەجیل وەرەو کەرکوک
شەفەق نيوز/ سەرچەوەیلیگ لە کۆمپانیایل باکوور و گاز باکوور، ئمڕوو جمعە، دووارە کلکردن گاز لەڕی لویلەی ناوەین کێڵگەیل گاز عەجیل خەوەردان، دویای سەرکەفتن تیمەیل پیشەیی لە خاسەوکردن ئەو زەرەدەیلە کە لە ئەنجام تەقینەوەیگ وەپی رەسیە لە سەرتای ئی هەفتە.
ئەو لویلە رووژ دووشەممەی گوزەشتە کەفنە وەر تەقینەوەیگ ناکاوی نزیک ئاوای مورادیە لە باشوور پارێزگای کەرکوک، وە جیوەجیکردن کارەیل خاسەوکردنیان، وەگورەی سەرچەوەیگ لە کۆمپانیای گاز باکوور ئەرا ئاژانس شەفەق نیوز.
سەرچەوەگە دیاری کرد کە تەقینەوەگە لە ئەنجام خورمیان لەناو یەکیگ لە پارچە لویلەیل بویە لەوەر کوینەیی، کە بویە مدوو هیزگردن ئاگر گەورەیگ وەتەواوی لەلایەن تیمەیل وەرگری شارستانی کپەو کریا، دووپاتیش کرد کە زەرەد گیانی یا دارایی لەو ناوچەیل دەورگرد رویداوەگە توومار نەکریاس.
سەرچەوەگە وتیش: تەکان گاز جویر ریکاریگ مقیەتبوین وەرجە تەقینەوەگە داوەزیا، وتیش: تیمەیل خاسەوکردن وەکوتپڕ دەسکردنە وەشکین ئەو کڕە کە زەرەد وەپی رەسیە و خاسیەو کردن.
ئمڕوو جمعە، سەرچەوەیگ لە کۆمپانی نەفت باکوور ئەرا ئاژانس شەفەق نیوز دووپات کرد کە کادرەیل پیشەیی و ئەندازیاری توەنستن دووارە ئەو لویلە بخەنە کار و دووارە گاز کلبکەن.
