دوو خوەیکوشتن لە خوەرهەڵات و خوەرئاوای موسڵ
شەفەق نیوز ـ موسل
سەرچەوەیگ ئەمنی لە نەینەوا، ئمڕوو سێشەممە، دوو خوەیکوشتن توومارکرد لە دوو ناوچەی شار موسل، یەیش نیشانەی نیگەرانکەریگە ئەرا زیایبوین دیاردەگە لە پارێزگاگە لەماوەی هەفتەی کۆتاییە.
سەرچەوەگە ئەرا ئاژانس شەفەق نیوز ئاشکرایکرد، دویەتیگ 16 ساڵان لە ری لە سێدارەداین خوەیکوشیە لەناو ماڵ خوەیان لە ناحیەی بەرتە خوەرهەڵات موسل، هووکارەگەی تا ئیسە نادیارە، تەرمەگەی ئەرا پزیشک دادوەری حەمدانیە کلکریا ئەرا وەرگدن رێکارەیل پێویست".
سەرچەوەگە وتیش "دویەم حالەت ژنیگ لەداڵگبوی 1990 کە پیشەی ژن ماڵە دانشتگ گەڕەک عاملەلە لای راست موسڵ، تەقەلای خوەیکوشتن دایە وە مادەی نەفت و هیزداین ئاگر وە مدوو گیچەڵ خێزانی".
دیاریکرد "ئەرا خەسخانەی سزیاگی جمهوری کلکریاس رێژەی سزیانەگەی رەسیە ئەرا 60%".
دووپاتکرد، لایەنەیل ئەمنی لێکۆڵینەوە لە هەردووگ رویداوەگە وازکردنە و داوا لە رێکخریاگەی ناوخوەیی کرێد دەستێوەردان دەسوەجی بکەن ئەرا رویوەرویبوین بەرزەوبون دیاردەی خوەیکوشتن لە نەینەوا، لەری هەڵمەت روشنهویری و پاڵپشتی دەروینی و کۆمەڵایەتی ئەرا ئەو چینە کە زیاترین فیشار هابانیان".
