دووارە.. "قەیران کاش" دابینکردن مووچەی فەرمانبەرەیل ئەرا مانگ ئەیلول دویا خەێد

شەفەق نیوز- بەغدا

سەرچەوەیگ ئاگادار، رووژ دووشەممە، ئاشکرا کرد کە هێمان پویل مووچەی فەرمانبەرەل ئەرا مانگ ئەیلوول ئمسال  دەسوەپینەکردیە، وەگەرد نزیکبوین کۆتایی مانگەگە، دیاریکرد، تا ئیسە هویچ وەزارەتیگ پویل فەرمانبەرەیل خوەی وەرنەگردیە.

سەرچەوەگە وە ئاژانس شەفەق نیوز وت، دیرکەفتن خەرجکردن مووچە کە لە ماوەی چەن مانگ کۆتاییە وەخوەی دی دووارەوبوود ئەرا ئێ مانگە وە مدوو تەواونەکردن رێکارەیل مەرەقەزکردن، یەیش لەوەر کەمی پویل کاش و داوزیان داهاتەیل لەناوڕاس  نزیکەوبوین هاوڵاتیەیل لە وەخت مەرەقەزکردن مووچەیلیان.

سەرچەوەگە دووپاتکرد، فەرمانگەی ژمێریاری وەزارەت دارایی تا وەخت نویسین ئێ خەوەردە مووچەی فەرمانبەرەیل فەرمانگەیل دەوڵەت مەرەقەز نەکردیە.