دزین 50 ملیۆن دینار لە ماشینیگ بارهەڵگر لە باشوور عراق

شەفەق نیوز/ سەرچەوەیگ لە پۆلیس ناوخوەیی لە پارێزگای  میسان، ئمڕوو سێشەممە، خەوەردا چەکدارەیل نەناسریایگ  کردەوەیگ دزیکردن وە زەبر چەک ئانجامدانە وەبان بارهەڵگریگ لە جویر "سەردەوکەر" و بڕە پویلیگ کە رەسێدە 50 ملیۆن دینار عراق دزینە لە خوەرئاوای پارێزگاگە.

سەرچەوەگە وە ئاژانس شەفەق نیوز وت، چەکدارەیل وەناو ماشینیگ  لە جویر (جارجەر) بوینە لەنوای ری ماشین بارهەڵگرەگە دەرکەفتنە کە لەبان ری ناحیەی  "کومێت" لە خوەرئاوای میسان بویە، هاوڵاتییگ رانیەسێ کە لەناو یەکیگ لە مۆلەگان کارکەێد لە شار عەممارە ناوەن پارێزگاگە.

ئاشکرایکرد، چەکدارەیل وە تەقەکردن لە بارهەڵگرەگە رانندەگە وساننە، لەژیر هارەشەی چەک  47 ملیۆن دینار عراقی لەلی دزینە و واینە.