دراوردن تەرم گەنجیگ لە چەم ئەڵوەن خانەقین

شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە دراوردن تەرم گەنجیگ لەناو چەم ئەڵوەن لە خانەقین، کە وەشیوەی نادیاریگ مردگە.
سەرچەوەگە ئەرا ئاژانس شەفەق نیوز وت: دەزگایەیل ئەمنی، تەرم گەنجیگ لەداڵگبوی ساڵ 1991 لە چەم ئەڵوەن لە قەزای خانەقین پەیا کردنە، کە خەڵک ناوچەی ئیمام عەباسە.
وتیش: پەیاکردن تەرم گەنجەگە دویای سێ رووژ لە ئاگادارکردن بنەماڵەگەی لە دیارنەمانی هات، کە زیان لە کێشەیل خیزانی دیرێد، و لە ژنەگەی جیاوە بویە و یەی مناڵ دیرێد.
وتیش: لایەنەیل پەیوەندیدار لێکۆڵینەوە لە رویداوەگە واز کردن، ئەرا رەسین وە بندروس و مدووەیل مردنی.