دارایی عراق دەس وە دابینکردن مووچەی فەرمانبەرەیل دەوڵەت ئەرا مانگ ئاب کەێد
شەفەق نیوز- بەغداد
وەزارەت دارایی عراقی، ئمڕوو چوارشەممە، خەوەردا لە دەسکردن وە دابینکردن دارایی ئەرا مووچەی فەرمانبەرەیل ئەرا مانگ ئاب.
وەزارەتەگە لە بەیاننامەی کوڵیگ، کە رەسیە ئاژانس شەفەق نیوز، وت کە "لە ئمڕووەو دەس وە دابینکردن دارایی مووچەی فەرمانبەرەیل کردگە".
جی باسە کە سەرچەوەیگ ئاگادار یەکشەممەی گوزەشتە، ئەرا ئاژانس شەفەق نیوز، ئاشکرا لە مدووەیل خەرجنەکردن دارایی تایبەت وە مووچەی فەرمانبەرەیل دەوڵەت ئەرا ئی مانگە کردۊد، و دیاری کرد کە رێکارەیل دابینکردن دارایی و خەرجکردن تا ئیسە تەواو نەکریانە.
وەپای سەرچەوەگە، کەمەوبۊن کاش دارایی و داوەزین داهاتەیل هاوبەش بۊنە لە دۊاخستن خەرجکردن ئەو داراییە کە تەرخان کریاگە ئەرا وەزارەتەیل و دامەزراوەیل دەوڵەت، و روون کرد کە لایەنە پەیوەندیدارەیل کار لەبان دابینکردن تەرخانکردنە داراییە هەوەجەدارەیل کەن ئەرا مسۆگەرکردن مووچەی فەرمانبەرەیل و خەرجکردنی.
