خوەیکوشتن گەنجیگ و رزگارکردن یەکیگ ترەک لە ناسریە و فەرمان وەسێدارەدان لەبان دوو بازرگان هووشبەری لە نەجەف

شەفەق نیوز/ سەرچەوەیگ ئەمنی، خەوەردا لە توومارکردن دوو خوەیکوشتن لە شار ناسریە ناوەند پارێزگای زیقار، یەکیگیان شکست هاورد.

سەرچەوەگە ئەرا ئاژانس شەفەق نیوز وت: گەنجیگ لە تەمەن 18 ساڵان خوەی لەبان پیەڵ حەزارات ناوڕاس شار ناسریە خستە خوار تا خوەی بکوشێد، وتیش: هیزیگ ئەمنی توانست وەرجە گیانلەدەسدانی رزگاری بکەێد، دیاری کرد کە تەقەلای خوەیکوشتنی لەوەر گیچەڵەیل دەروینی بویە.

سەرچەوەگە وتیش: گەنجیگ ترەک لە تەمەن 16 ساڵان لە ناوچەی ئوم شویج خوەرئاوای شار ناسریە وە گولە خوەی کوشت، دیاری کرد کە هیمان مدوو خوەیکوشتنی نادیارە.

  لە نەجەف، سەرچەوەیگ ئەمنی خەوەردا لە دەرکردن سزایەیل تاوانی وەلایەن دادگای پارێزگاگە لەبان 3 توومەتبار وە بازرگانیکردن وە هووشبەری.

سەرچەوەگە ئەرا ئاژانس شەفەق نیوز وت: دادگای تاوانەیل نەجەف، دوو فەرمان وەسێدارەدان لەبان دوو تاوانبار وە توومەت بازرگانیکردن وە هووشبەری ناوەین دەوڵەتەیل دەرکرد، دیاری کرد کە دادگا لوبنان زیندان هەمیشەیی لەبان تتومەتبغر سێیەم وە بازرگانیکردن وە هووشبەری دەرکرد.

سەرچەوەگە دیاری کرد کە فەرمانەیل لە بنەمای مادەی (27 و 28) لە یاسای دژە هووشبەری شمارە 50 ئەرا ساڵ 2017 دەرچگن.