خنکیان سێیەم کەس لە ماوەی 24 ساعەت لە دیالە

شەفەق نيوز/ پارێزگای دیالە، ئمڕوو سێشەممە، سێیەم خنکیان لە پارێزگاگە لە ماوەی 24 ساعەت گوزەشتە توومار کرد.

سەرچەوەیگ ئەمنی ئەرا ئاژانس شەفەق نیوز وت: گەنجیگ لەناو تەمەن بیس ساڵان، مەوقەی مەلەوانیکردن لە دەورگرد شار بەعقووبە ناوەند پارێزگاگە گیانی لەدەسدا.

وتیش: تیمەیل مەلەوانی تەرم گەنجەگە دراورد، و لێکۆڵینەوە لە رویداوەگە واز کرد.

دویەکە دووشەممە، گەنجیگ لە داڵگبوی ساڵ 2007 مەوقەی مەلەوانیکردن لەناو چەم دیجلە لە ناوچەی قسەیرین خوەرئاوای پارێزگای دیالە خنکیا، کە دویەم خنکیان بویە دویای خنکیان کەسیگ لە وەخت شەفەق لە پارێزگاگە.