خاڵیگ وشکین عراقی خیزانیگ سوری دەسگیرکرد کە ناسنامەیل ساختە وەپیان بوی

شەفەق نیوز/ سەرچەویگ ئەمنی لە پارێزگای سەڵاحەدین، ئمڕوو دووشەممە، خەوەردا مەفرەزەیل بازگەی "خەلیفە" لەبن ری تکریت ـ کەرکوک خیزانیگ سوری دەسگیرکردن کە پەنج کەس بوین سەرپیچی یاساگان نیشتەجیبوین کردنە، ناسنامەیل ساختە وەپیان بوی.

سەرچەوەگە وە ئاژانس شەفەق نیوز وت، "خیزانەگە لەناو ماشینیگ لە جویر کیا ئەوبتما چەرمگ رەنگیگ بوینە هاوڵاتییگ عراقی رانیەسێ"، دیاریکرد "وشکین و لێکۆڵینەوەیل دەرخستن ناسنامە ساختەیل چوودەو ئەرا برا و براژن رانندەگە، ئەرا خەڵەتانن هێزەیل ئەمنی وەکاری هاوردیە".

دووپاتکرد "رێکارەیل یاسایی وەرانوەر رانندەو خیزانەگە وەرگیریاس، ئەرا دەزگای هەواڵگێری نیشتیمانی عراقی / نویسینگەی سەڵاحەدین رادەس کریان، ئەرا تەواوکردن لێکۆڵینەوە و رێکار یاسایی".