خانەقین کەفتیەسە وەردەم.. عراق وە ماوەی یەک مانگ 62 زەویلەرزە توومار کەێد

شەفەق نیوز/ دەسەی کەشناسی و زەویلەرزەناسی عراق، ئمڕوو دووشەممە، ئاشکرای توومارکردن 62 زەویلەرزە لە وڵاتەگە کرد لە ماوەی مانگ کانوون دویەم گوزەشتە، و هاز لەرزەیب ناوەین یەک پلە تا 5 پلە بویە.
دەسەگە لە راپۆرتەگەی کە رەسیە ئاژانس شەفەق نیوز وت: روانگەیلی زەویلەرزە لە عراق و دەوڵەتەیل هاوسا ئەرا مانگ کانوون دویەم 2025، 92 زەویلەرزە توومار کردنە، لەلییان 62 لەناو عراق، بەشەو بەستە بان دیالە و هەولێر و نەینەوا و سلێمانی و میسان و کەرکوک و دهۆك.
وتیش: قەزای خانەقین لە دیالە بەشە فرەگە لە شمارەی زەویلەرزەیل توومار کرد، دیاری کرد کە "22 زەویلەرزە لەناو ئیران و8 لەناو توركيا توومار کریاس".
وەگورەی راپۆرتەگە؛ هاز زەویلەرزەیل ناوەین (1-5) پلە، وەقویلی 4 و 38 کیلۆمەتر بویە.
شەوەکی دویەکە یەکشەممە، کەسەی کەشناسی و زەویلەرزەناسی عراق توومارکردن زەویلەرزەیگ لە قەزای مەنەلی راگەیان.
عەلی عەبدولخالق وەڕیەوبەر بەش زەویلەرزەناسی ئەرا ئاژانس شەفەق نیوز وت: سێسویکەی هەڵەبجە و کەلار و خانەقین، دویای زەویلەرزەگەی هەرێم کوردستان لە ساڵ 2017 گورجەو بویە، کە بابە هوکار جویلەکردن پارچەیل ژیرزەوی.