تەندروسی عراق بەرزەوبوین زوینەیگ لە تووشهاتنەیل کۆڕۆنا نشانە کەێد و تەمەیل نوویگ دەرکەێد

Category: هــــه‌واڵ عــیراق

Date: 2021-02-20T13:32:57+0000
تەندروسی عراق بەرزەوبوین زوینەیگ لە تووشهاتنەیل کۆڕۆنا نشانە کەێد و تەمەیل نوویگ دەرکەێد

شەفەق نیوز/ وەزارت تەندروسی وژینگەی عراق، ئمڕوو شەممە، راگەیان بەرزەوبوین سەختیگ لە تووشهاتنەگان کۆڕۆنا لەناو دوو چین لە کۆمەڵگاگە ک خوەیان مناڵ و گەنجەیلن، لە نشانەیگ لەبان بڵاوبوین بنچینە نووەگەی پەتاگە لە وڵاتەگە.

وەزارەتەگە لەبەیانامەیگ رەسیە ئاژانس شەفەق نیوز وت: تووشهاتنەگان لە رووژەیل دویایین وەشیوەی بەرزیگ وەردەوام بوین، وەگەرد تۆمارکردن تووشهاتتەیل سەختیگ لەلای مناڵەگان و تەمەنە کەنجەگان، و ئەیە یەکەم جارە بووک، ک خوەی نشانەیگە لە بڵاوبوین بنچینە نووەگە ک جیوازە وە زوی بڵاوبوینی و سەختی بیماریەگەی لە خود وەختەگە.

بەیاننامەگە دووپات کرد ک ئیسە ئەو وەختەسە ک کۆمەڵگاگە وەگشت چینەگانی ئەو ریکارەیلە بوەێد ک بیلن گواستنەوەی پەتاگە لەناونی هاووڵاتییەگان کەمەو بکەن، و بایەتە ئیسە بڕیارەیل دەسەی باڵای تەندروسی و سەڵامەتی نیشتمانی وەشیوەی سەختیگ لە گشت ناوچەیل عراق جیوەجی بکەن.

بەیاننامەگە جەخت کرد ک خەمسەردی لە جیوەجیکردن ریکارە مقەیەتیەگان و جیوەجینەکردن بڕیارەیل دەسەی باڵای تەندروسی و سەڵامەتی نیشتمانی وەگەرد بڵاوبوین بنچینە نووەگە هەڕەشەی زوی بەرزەوبوین تووشهاتنەگان لەماوەی رووژەیل ئایندە دەێد، ک دامەزراوە تەندروسیەگان خەێدە وەر مەترسی گوماکردن کۆنتڕۆڵەگە لەبان ژمارەی زیایبوی تووشهاتنەگان، ک بوودە هووکار لە زیایبوین مردنەگان.

وتیش؛ تەنیا رییگ ئەرا نواگردن ئی مەترسیە ئیسە خوەی پابەندبوینە وەگشت بڕیارەیل دەسەی باڵای تەندروسی و سەڵامەتی نیشتمانی، وەتایبەت لە وەکارهاوردن دەمامەک و دویرەوکەفتن کۆمەڵایەتی و تەمیسکردن دەسەیل وەشیوەیگ وەردەوام، و دویرەوکەفتن لە گشت قەرەباڵغەگان و شوینە تەسکەگان، و هاوکاری وەگەرد تیمە تەندروسیە چەودیریەگان لە جیوەجیکردن ریکارە مقەیەتیەگان.

هەمیش وت؛ لە بنەمای وەرپرسایەتی مێژوویمان لە نوای پیشەگەمان، داوا لە گشت وەزارەتەگان و دامەزراوە حکومەتیەگان و تایبەتەگان کەیمن گشت چالاکیە بخەنە دویا، و داوا لە وەقف شیعی و سونی و سەرپەرشتیارەیل گشت مەزارە پیرۆزەگان کەیمن، و پارێزگارەیل پارێزگا عراقیەگان ک مەزارە پیرۆزەگان هاناویان، تەقەلایل فرەیگ بیەن ئەرا وسانن گشت رسوومە ئاینیەگان لەماوەی رووژەیل ئایندە، و پابەندی وە ریکارە مقەیەتیەگان وەشیوەیگ تەواوەتی لەناو مەزارەگان.

بەیاننامەگە هەمیش وت: دویای ئەوە ک بڕیارەیل دەسەی باڵای تەندروسی و سەڵامەتی نیشتمانی کەفتە ئاست جیوەجیکردن، داوا لە گشت هاووڵاتییەگان کەیمن وەگورەی وەرپرسایەتیەگە بوون، و ئەو مەترسی گەورا بفامن، و پابەند وە ریکارە مقەیەتیەگان بوون، و لە خود وەختەگە ئەرزشدار پابەندبویەگان وە دەمامەک و دویرەوکەفتن لە گردەوبوینەگان و تەمیسکردن دەسەیل کەیمن.

related

عراق قەیەغەیل کۆڕۆنا تێرێدەو

Date: 2021-02-06 12:19:30
عراق قەیەغەیل کۆڕۆنا تێرێدەو

عراق داوەزینیگ ئاشکرا لە تووشهاتن ومردنەگان کۆڕۆنا تۆمارکەێد و خاسەوبوینەیلیگ رەسنە ٣٠٠ هەزار

Date: 2020-10-03 13:42:20
عراق داوەزینیگ ئاشکرا لە تووشهاتن ومردنەگان کۆڕۆنا تۆمارکەێد و خاسەوبوینەیلیگ رەسنە ٣٠٠ هەزار

کۆڕۆنای عراق.. نزیکەی هەزار تووشهاتن نوو و ١١ مردن لەماوەی یەک رووژ

Date: 2020-12-28 13:28:58
کۆڕۆنای عراق.. نزیکەی هەزار تووشهاتن نوو و ١١ مردن لەماوەی یەک رووژ

دوو هەفتە وەبی مردن.. تووشهاتنەگان کۆڕۆنا لە دیالە کەمەو بوون

Date: 2021-01-11 10:36:22
دوو هەفتە وەبی مردن.. تووشهاتنەگان کۆڕۆنا لە دیالە کەمەو بوون

دەسەی باڵا بڕیارەیەیلیگ وە قەیەغەی هاتووچگن وئاڵشتکردن خوەنەواری ئەرا ئەلیکتڕۆنی و بەسانن مزگەفتەگان دەرکەێد

Date: 2021-02-13 14:22:25
دەسەی باڵا بڕیارەیەیلیگ وە قەیەغەی هاتووچگن وئاڵشتکردن خوەنەواری ئەرا ئەلیکتڕۆنی و بەسانن مزگەفتەگان دەرکەێد

عراق ٦٧ مردن وزياتر لە ٤٠٠٠ تووشهانن نوو وە کۆڕۆنا تۆمارکەێد

Date: 2020-10-06 14:10:08
عراق ٦٧ مردن وزياتر لە ٤٠٠٠ تووشهانن نوو وە کۆڕۆنا تۆمارکەێد

عراق ٩٠٢ تووشهاتن و ١١ مردن وە کۆڕۆنا تۆمار کەێد

Date: 2021-01-01 14:14:31
عراق ٩٠٢ تووشهاتن و ١١ مردن وە کۆڕۆنا تۆمار کەێد

عراق راگەینێد ٣٧٣١ تووشهاتن نوو وەڤایڕۆس کۆڕۆنا و ٣٨٦٠ خاسەوبوین

Date: 2020-08-30 13:09:14
عراق راگەینێد ٣٧٣١ تووشهاتن نوو وەڤایڕۆس کۆڕۆنا و ٣٨٦٠ خاسەوبوین