تەندروسی جهانی هووشداری دەێد لە قەیران گەورایگ لەعراق لەزیایبوین تووشهاتنەگان کۆڕۆنا

Category: هــــه‌واڵ عــیراق

Date: 2020-08-19T09:24:35+0000
تەندروسی جهانی هووشداری دەێد لە قەیران گەورایگ لەعراق لەزیایبوین تووشهاتنەگان کۆڕۆنا
شەفەق نیوز/ رێکخراو تەندروسی جهانی، ئمڕوو جمعە، هووشداریدا لە قیران تەندروسی گەورایگ لە عراق، لەسای زیایبوین ژمارەی تووشهاتنەگان وە ڤایڕۆس کۆڕۆنا.
رێکخراوەگە لە بەیاننامەیگ ئمڕوو وت: هەرچەن ژمارەی تووشهاتنەگان وە ڤایڕۆس کۆڕۆنا لە عراق وەشیوەی گەوراو رخبەریگ بەرزەوبوون، ک نوقڵانەی قەیران تەندروسی گەورایگ لەی نزیکە دەێد، بەڵکم هیمان عراقیەگان توانای شکستهاوردن وەی پەتا دیرن لە ری پابەندی راسی وە جیوەجیکردن ریکارە مقەیەتیەگان، لە تەقەلا کۆمەڵیەگان جوور دویرەوکەفت لە گردەوبوین جەماوەری، تا ریکارەیل پابەندی تاکی جوور وەکارهاوردن دەمامەک لە شوونە گشتیەگان، ئەرا نواگردن لە بڵاوبوین پەتاگە لە ئاست کۆمەڵگا.
بەیاننامەگە ئاماژەدا ک بڵاوبوین ئیسەی پەتاگە لە وڵاتەگە وەگەرد لاوازی سیستەمە تەندروسیەگە، وهەرچەن ئی سیستمە کەمە، بەڵکم وەڵام داینە زوینەگە لەلایەن دەسەڵاتە تەندروسیەگان، وەتایبەت لە مانگە یەکەمەگان بڵاوبوینی، جی دەسخوەشیکردنە، بەڵکم رەوشەگە لە مانگەیل گوزەیشتە لەوەر چەن کاریگەرییگ خراوەوبوی، لەلیان سووکەوکردن قەیەغەگان و ناپابەندی وە ریکارە مقەیەتیەگان.
بەیاننامەگە دووپاتکرد ک لە نووڕستنیگ ئەرا ژمارە رووژانەگان ک تۆمار کریانە لە دویاترین ١٧٥ رووژ لە بڵاوبوین پەتاگە، تا ١٦ی ئاب ٢٠٢٠ ، زیاتر لە ١٧٥،٠٠ تووشهاتن لە وڵاتەگە دیاری کریاگە، وەگەرد زیاتر لە ٥٨٠٠ مردن، و بەیاننامەگە وەئاشکرا بڵاوکرد ک زیاتر لە ٩٨ لەسەد لە تووشهاتن ومردنەگان تەنیا لە سێ مانگەیل دویایی بوی، و نزیکەی ٤٤٠٠٠ تووشهاتن گورج لەعراق هەس، و دەور ٩٠ لەسەد لەلیان لەماڵ چارەسەری کریەن، لەلیان نزیکەی ٩٠٠٠ تووشهاتن لە کارکەرەیل چین چەودیری تەندروسیە، و ئەیە ئاشکراکەێد ک بەشەیل گەورایگ لە عراق ئیسە پەتاییە و لە ئاست کۆمەڵگا بڵاوبوین ڤایڕۆسەگە وەخوەی دوینێد، و ئەیە رەوشیگ رخبەر ومەترسیدارە، وریکارەیلیگ زوینە و راسیانە خوازێد.

related

عراق گەوراترین ئامار تووشهاتن وە ڤایڕۆس کۆڕۆنا تۆمار کەێد

Date: 2020-08-18 16:21:07
عراق گەوراترین ئامار تووشهاتن وە ڤایڕۆس کۆڕۆنا تۆمار کەێد

زیاتر لە ٢٥٠٠ تووشهاتن نوو و ٤٩ مردن وە کۆڕۆنا لە عراق

Date: 2020-11-20 14:34:12
زیاتر لە ٢٥٠٠ تووشهاتن نوو و ٤٩ مردن وە کۆڕۆنا لە عراق

کۆڕۆنای عراق.. ٥٩ مردن و ٤٩٦١ تووشهاتن نوو

Date: 2020-09-30 14:55:08
کۆڕۆنای عراق.. ٥٩ مردن و ٤٩٦١ تووشهاتن نوو

مردنەگان کۆڕۆنای عراق لە ١١ هەزار رەدکەن

Date: 2020-11-02 15:20:54
مردنەگان کۆڕۆنای عراق لە ١١ هەزار رەدکەن

سێ مردن و ٧ تووشهاتن نوو وە کۆڕۆنا لە ناوچەیل ئیدارەی سەروەخوەیی

Date: 2021-02-25 08:59:15
سێ مردن و ٧ تووشهاتن نوو وە کۆڕۆنا لە ناوچەیل ئیدارەی سەروەخوەیی

عراق بڕیارەیل نوویگ لە نواگردن کۆڕۆنا بەێد وهەمیش دەربارەی واکسینەگە

Date: 2020-09-19 13:44:24
عراق بڕیارەیل نوویگ لە نواگردن کۆڕۆنا بەێد وهەمیش دەربارەی واکسینەگە

لەماوەی یەک رووژ ..زياتر لە ٤٥٠٠ تووشهانن وەکۆڕۆنا لە عراق

Date: 2020-10-27 11:07:00
لەماوەی یەک رووژ ..زياتر لە ٤٥٠٠ تووشهانن وەکۆڕۆنا لە عراق

تووشهاتن قسەکەریگ تەندروسی عراقی وە ڤایڕۆس کۆڕۆنا

Date: 2020-08-26 11:29:23
تووشهاتن قسەکەریگ تەندروسی عراقی وە ڤایڕۆس کۆڕۆنا