تاسیان دوو کەس لە ئەنجام سزیان باڵەخانەیگ بازرگانی ناوڕاس تکریت

شەفەق نيوز – سەڵاحەدین 

سەرچەوەیگ ئەمنی، ئیوارەی ئمڕوو شەممە، خەوەردا لە هیزگردن ئاگر گەورەیگ لەناو باڵەخانەیگ بازرگانی لە جادەی زهوور ناوڕاس شار تکریت، ناوەند پارێزگای سەڵاحەدین، کە بویە مدوو تویشهاتن دوو کەس وە تاسیان.

 سەرچەوەگە ئەرا ئاژانس شەفەق نیوز وت: ئاگر دەیان لە دوکانەیل بازرگانی لە قات خوارگ باڵەخانەیگ بازرگانی ناوڕاس تکریت سزان، وەگەرد سزیان قات دویەمیش وەتەواوی، تا تیمەیل وەرگری شارستانی رەسینە کپەوکردن ئاگرەگە.

 وتیش: دوو کەس تویش تاسیان هاتنە، و ئەرا خەسەخانە بریان، و ئاگرەگە زەرەدەیل دارایی گەورەیگ لەلی بویەو، و هیمان تەقەلای نەهیشتن رەسین ئاگر وەرەو بینایەیل شانی وەردەوامە.

 سەرچەوەگە دیاری کرد کە تا ئیسە مدووەیل هیزگردن ئاگرەگە نادیارە، و لایەنەیل پەیوەندیدار دەسکردن وە لێکۆڵینەوە لە رویداوەگە.