بەغدا سێ داواکریاگ بیانی دەسگیر کەێد ک لە هەولێر و دهۆک واینە
2023-04-06T08:09:48+00:00
شەفەق نیوز/ وەزارەت ناوخوەی عراق، ئمڕوو پەنجشەممە، راگەیان هێزەیل ئەمنی لە فەوج فریاگوزاری بەغدا سێ توومەتبار وە رەگەز بیانی دەسگیر کردن، ک لە هەرێم کوردستان واینە.
وەزارەتەگە لە بەیاننامەیگ رەسیە ئاژانس شەفەق نیوز وت، هێزەیل ئەمنی فەوج فریاکەفتن بەغدا رەسافەی چوارەم توەنستنە سێ توومەتبار بیانی دەسگیربکەن ک وەپای مادەی (41) لە یاسای سزاداین عرقی و لە پارێزگایەیل ( دهۆک و هەولێر) واینە.
وەزارەتەگە وتیش، ئۆپراسیۆن دەسگیرکردنەگە لەماوەی ئەرکیگ هاوبەش بویە و دانان تەڵەی قایمیگ وپشت بەسین وە زانیاری هەواڵگیریەیل رەسیەس بویە هووکار دەسگیرکردنیان لە جادەی فەڵەستین لە خوەرهەڵات بەغدا.
