بەغداد.. تاوان کوشتن و دەسگیرکردنەیل لە مەحمودیە و یەرموک

شەفەق نیوز/ سەرچەوەیگ ئەمنی لە بەغدای پایتەخت، ئمڕوو دووشەممە، خەوەردا لە کوشیان مەدەنیگ وە گولە و دەسگیرکردن لایەنەیگ مەرافکەر لە دوو رویداو جیا.

سەرچەوەگە وە ئاژانس شەفەق نیوز خەوەردا، چەکدارەیل نەناسریایگ تەقە وە ئاراستەی مەدەنیگ کردیە لە قەزای مەحمودیە لە باشوور بەغداد، لە ئەنجام دەسوەجی کوشیاس. 

سەرچەوەگە ئاشکرایکرد، لایەنەیل ئەمنی لێکۆڵینەوە وازکردنە ئەرا زانین  چۆنیەتی رویداوەگە و دەسگیرکردن تاوانبار.

لە رویداویگ ترەک مەرافیگ لەناوەین دوو کەس دروسبویە لە ناوچەی یەرموک، ئەوزەڵکردیە ئەرا وشانن نارنجەک وەبی توومارکردن زەخمداری.

سەرچەوەگە خەوەردا، هێزەیل ئەمنی هەردووگ لا دەسگیرکردن بردنەسەیان ئەرا بەندینخانە ئەرا تەواوکردن رێکارەیل یاسایی هەوەجەکریاگ.