بەسرە لەنوای گشتیانە.. زیاتر لە دوو هەزار تویشهاتن وە تاسیان لە پەنج پارێزگای عراق

شەفەق نيوز/ فەرمانگەیل تەندروسی لە پەنج پارێزگای عراق، دویەشەو دووشەممە، زیاتر لە دوو هەزار تاسیان لەئەنجام ئەو زریان خوەڵوتووزە توومار کردن کە رەسیە وڵات.

بەرزترین ئامار وەگورەی قسەی پەیامنێرەیل ئاژانس شەفەق نیوز کەفتنە بەش پارێزگایەیل بەسرە و موسەنا، کە خەسەخانەیل بەسرە 749 تویشهاتن وە تاسیان توومار کرد، و خەسەخانەیل پارێزگای موسەنا  700 کەس رەسیە ناویان.

دویای ئەوانە پارێزگای دیوانیە هات وە توومارکردن 322 تویشهاتن تاسیان، ئیجا پارێزگای زیقار وە توومارکردن 174 تاسیان، ئمجا نەجەف وە 150 تاسیان.

پەیامنێرەیل ئاژانسمان دەسنشان کڕدن کە ئی ئامارەیلە هانە بەرزەوبوین لەوەڕ وەردەوامی خوەڵوتووز وەبان بەشیگ لە شارەیل.