بەسرە.. قورتارکردن گەنجیگ لەتەقەلای خوەیکوشتن لەبان تابلۆیگ رێکلامکردن (وینە و ڤیدیۆ)
شەفەق نیوز/ وەڕێوەبەرایەتی وەرگیری شارستانی پارێزگای بەسرە، ئمڕوو دووشەممە، راگەیان گەنجیگ قورتارکریاس لە تەقەلای خوەیکوشتن داین لبان تابلۆیگ رێکلامکردن لەناوڕاس شارەگە، رویداوەگە وە وینە و ڤیدیۆ توومارکریاس.
وەڕێوەبەر وەرگیری شارستانی بەسرە، مازن محەمەد وە ئاژانس شەفەق نیوز وت "تیمەیل قورتارکردن دەسوەجی دەسکردنە جویلە لە دویای خەوەردارکردنیان وەلایەن بازگەی ناوەندی، لەوەگ هاوڵاتیگ تەقەلای خوەیکوشتن دەێد لەبان تابلۆیگ رێکلامکردن لەناوڕاس پارێزگاگە".
وتیش "تیمەیل وەرگیری رەسینەس ئەو شوینە و توەنستنە گەنجەگە رازی بکەن واز لە خوەیکوشتن بارێد، تا وە سەلامەتی داوەزێد ماشین بەرزەوکەرەوە وەکارهاوریاس".
دیاریکرد "گەنجەگە دریاسە دەس لایەنەیل پەیوەنیدار ئەرا تەووکردن رێکارەیل پێویست" وەبی ئەوەگ هووکار تەقەلاداین خوەیکوشتنەگەی یا چۆنیەتی چگن ئەرا بان تابلۆی رێکلامەگە ئاشکرابکەێد.
