بەرزەوبوین گەپیگ نرخ تەڵا لە بازاڕەیل بەغداد و هەولێر
شەفەق نیوز/ نرخ تەڵای بیگانە و عراقی، ئمڕوو شەممە، (14 حوزەیران 2025) لە بازاڕەیل بەغداد پایتەخت و هەولێر بەرزەوبوی.
پەیامنێر ئاژانس شەفەق نیوز وت: نرخ فرووشتن یەک مسقاڵ عەیار 21 تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە 700 هەزار دینار، و نرخ سەنینی رەسیە 696 هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی هەمیش بەرزەوبوی توومار کرد لەپای 670 هەزار دینار، و نرخ سەنینی رەسیە 666 هەزار دینار.
لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار 21 ها ناوەین 700 ـ 690 هەزار دینار، و نرخ فرووشتن یەک مسقاڵ تەڵای عراقی ها ناونی 670 - 680 هەزار دینار.
لە هەولێر پایتەخت هەرێم کوردستان نرخ فرووشتن یەک مسقاڵ تەڵای عەیار 24 رەسیە 736 هەزار دینار، و نرخ فرووشتن یەک مسقاڵ تەڵای عەیار 21 رەسیە 703 هەزار دینار، و نرخ فرووشتن یەک مسقاڵ تەڵای عەیار 18 رەسیە 602 هەزار دینار.
