بەیانامەیگ فەرمی راسی جموجویل سوپای عراق لە گەرمیان ئاشکرا کەێد
شەفەق نيوز – گەرميان
فەرماندەیی گشتی ئۆپراسیۆنەیل هاوبەش، شەو جمعە، ئاشکراکردنیگ لەباوەت جویلەیل کەرتەیلیگ لە سوپای عراق و دەزگای حەشد شەعبی یا پیشمەرگە لە ناوچەیل گرنگیدان سنووری هاوبەش ناوەین هەولێر و بەغدا دا.
فەرماندەییەگە لە بەیاننامەیگ رەسیە ئاژانس شەفەق نیوز دیاری کرد ک ئی ناوچەیلە کەفنە ژیر ئیدارەی هاوبەش ناوەین ناوەند و هەرێم کوردستان وەگورەی سەرکردایەتی و کۆنترۆڵکردن و کەرتەیل هاوبەش یەکخریای، وە هەماهەنگی بەرزیگ ئەرا ئارامکردن ئی ناوچەیلە، و هیچ جویلەیگ یەکلایەنی لەلای هیچ لایەنیگ سەربازی نییە، و سەختیەیل ئیسە هەماهەنگی و هاوکاری هاوبەش بەرزترەک خوازێد.
دووپاتیش کرد کە ئۆپراسیۆنەیل هاوبەش ناوەین گشت کەرتەیل پەیوەندیدار لە مقیەتیکردن ئی ناوچەیلە مەنیەسەی و وەردەوامە و هەماهەنگی هاوبەش ئەرا جیوەجیکردن ئۆپراسیۆنەیل هاوبەش تیەێد، دیاری کرد کە گردەوبوینەیل هەماهەنگی وەردەوامە لە بنکەیل هەماهەنگی هاوبەش، و پەیوەندی ناوەین بەرزترین سەرکردایەتی وەڕیەوبردن ئەو کەرتەیلە وەردەوامە کە گرنگی هاوبەش دیرن، و دەنوسەنین زانیاریەیل لەباوەت جەنگکردن وەرد شانەیل تیرۆری.
ئۆپراسیۆنەیل هاوبەش وتیش: هیچ جویلەیگ لەلایەن کەرتەیل وەزارەت وەرگری و ناوخۆ و دەزگای حەشد شەعبی و پیشمەرگە لە دەیشت شوینەیل خوەیان نییە، و هەر تەنیا ئەرکەیلیگ هەن وە کارکردن و هاوکاری هاوبەش ئەنجام دریەن، وە هەماهەنگی بەرزیگ ناوەین هیزەیل فیدڕاڵی و هیزەیل پیشمەرگە وە درویژایی کەرتەیل.
وەرجەیە، سەرچەوەیگ ئەمنی خەوەردا کە هیزەیل پیشمەرگەی یەکێتی نیشتمان کوردستان، لە ناوچەی گەرمیان، وەگەرد جویلەیل سوپای عراق لەو ناوچەیلە لە ئیدارەی سەروەخوەیی گەرمیان سەروە هەرێم کوردستان کەفتە ئامادەباشی.
