باسم عەباس داوا لە سەرۆک وەزیران کەێد لە مەرگ مقەیەتیی بکەێد

Category: هــــه‌واڵ عــیراق

Date: 2021-02-23T09:45:48+0000
باسم عەباس داوا لە سەرۆک وەزیران کەێد لە مەرگ مقەیەتیی بکەێد

شەفەق نیوز/ باسم عەباس بازیگەر ناودەوڵەتی وەرین و ئەندام دەزگای گشتی یانەی تەڵەبە، داوا لە سەرۆک وەزیران کرد وەرپرسایەتی لە مقەیەتیکردنی لە کوشتن هەڵگرێد.

عەباس ئەرا ئاژانس شەفەق نیوز دووپات کرد ک ماڵەگەی کەفتە وەر گولە واران لەلایەن نەناسریاگەیلیگ، و مەزەنە کرد ک ئی پەلامارە دویای وتارەگانی دەربارەی باوەتەیل گەندەڵی دژوە وەڕێۆبەردنە وەرینەگەی یانەی تەڵەبە هات.

و دووپات کرد ک خوەی پەیام هەڕەشەیگ لە رووژ پەلامارەگە و گولە وارانەگە لەبان ماڵەگەی وەرگرد، و ئاماژە کرد ک ئامانجەگە لەو پەلامارە خوەی تا واز لە ئەو باوەتەیلە بارێد و نەخەێدەی وەردەس لایەنە پەیوەندیدارەگان.

دوێەکە، عەباس سەرپەرشتیاری خۆپیشاندانیگ لە وەردەم وەزارت گەنج و وەرزشی کرد، و جەماوەر یانەی تەڵەبە وەگەردی بوین، ئەرا داوای ئاڵشتکردن ئیدارەی ئیسەی یانەگە.

related