پەیاکردن تەرم 7 تیرۆرست وە گورز ئاسمانی لە سەڵاحەدین کوشیانە

شەفەق نیوز/ فەرماندەیی ئۆپراسیۆنەیل هاوبەش، ئمڕوو یەکشەممە، خەوەردا لە پەیاکردن تەرم لاشەی هەفت خوەیکوش تیرۆرست، پشتین بومبی بەسانە، کە دویەکە جمعە، وە گورزیگ ئاسمانی وەلایەن فڕۆکەیل F16ی عراقی لە کەرت"زەرگە" لەبان سنوور ناوەین سەڵاحەدین و کەرکوک کوشیانە.
لە بەیاننامەیگ وت: هیزیگ ئەمنی دەسکردە وەشکین شوین گورزەگە، و لاشەی هەفت تیرۆریست پەیا کرد، کە پشتین خوەیکوشی بەسانە، وەگەرد پەیاکردن چەکەیلیگ جیاجیا و ئامرازەیل لۆجیکی و بەڵگەیل تاوانی ترەک.
دووپات کرد کە وەشکین هیمان وەردەوامە لەو ناوچە و دەورگردی.
دویەکە شەممە، سەرچەوەیگ ئەمنی لە سەڵاحەدین وت: دەسکریا وە ئۆپراسیۆنیگ ئەمنی فراوانیگ لە باشوور پارێزگاگە، ئەرا مینەکردن تەرم کوشیاگەیل ریخریاگ داعش، ئەوەیش دویای ئەو گورز ئاسمانیە وەلایەن چەک ئاسمانی عراقی.
رووژ جمعە، فەرماندەی ئۆپراسیۆنەیل هاوبەش، کوشیان چوار تیرۆرست راگەیان، لەناو دیوەخانیان لە کەرت زەرگە لەبان سنوور ناوەین سەڵاحەدین و کەرکوک.