پەیاکردن تەرمیگ و زەخمداری فەرمانبەریگ وە تەقیان وەجیماگەیل جەنگی لە باشوور عراق

شەفەق نیوز/ سەرچەوەیگ ئەمنی لە پارێزگای بەسرە، ئمڕوو چوارشەممە، خەوەردا لە پەیاکردن تەرم نەناسریایگ، و زەخمداری فەرمانبەریگ کۆمپانیای لەوردن مین وە تەقیان وەجیماگەیل جەنگی.

سەرچەوەگە وە ئاژانس شەفەق نیوز وت "هێزە ئەمنیەیل تەرم نەناسریایگ پەیاکردن لە قەزای زوبێر نزیک وێستگەی سزەمەنی  ناسڕیەی نوو، کە گلەوخوەد ئەرا پیایگ تەمەنی ها ناوەین  35 – 40 ساڵان".

وتیش "تەرمەگە وە تەواوی پەلەمیا بوی و پووسەگەی لەقیەو کەنیاس لە ئەنجام مەننی ئەرا ماوەی فرەیگ لەناو جویە ئاو" وتیش "لەقیەو شوین زەخمداری یا ئەزیەتداین لەقیەو نیە تاتۆی فرەیگ لەبان لەشی هەس".

سەرچەوەگە وتیش، "لەرویداویگ جیا، وەجیماگەیل جەنگیەیگ تەقیا لە ناوچەی ئەرتاوی، بویە مدوو زەخمداری کەسیگ لە داڵگبوی 1979، کە لە کۆمپانیای  MBA لاوردن مین کارکەێد، کە رێکخریاگیگ بەلجیکیە".

 وتیش: "زەخمداریەگەی ها لە قول چەپی، ئەرا خەستەخانەی پارێزگاگە کلکریا و بارودۆخی جیگیرە".