گیانلەدەسداین مناڵیگ وە تاسیان لەناو "چاڵیگ" و پاسەوان مەکتەویگ تواێد خوەی بسزنێد لە دیالە

شەفەق نیوز - دیالە

سەرچەوەیگ ئەمنی لە دیالە، ئمڕوو جمعە، خەوەردا لە مردن مناڵیگ وە تاسیان لەناو "چاڵیگ" لەم کە خوەی لەناو ماڵەگەی لە باکوور پارێزگاگە کەنیەسەی، لە وەختیگ پاسەوان مەکتەویگ تەقەلای خوەیکوشتن دا وە مدووەیل نادیاریگ لە باکوور خوەرهەڵات پارێزگاگە.

 سەرچەوەگە ئەرا ئاژانس شەفەق نیوز وت، کە مناڵەگە خوەنەوارە لە پۆل دۊەم سەرەتایی و بازی کردیاد وە کەنین چاڵیگ لەم لەناو ماڵەگەی لە ناحیەی عزێم لە باکوور دیالە، و دۊای ئەوەگ چگە ناوی لەمەگە رشیاسە بانی کە بۊە مدوو تاسیانی و گیانلەدەسداینی.

 سەرچەوەگە وتیش کە ئەرا رویداویگ جیاواز، کە پاسەوان مەکتەویگ لە تەمەن لە 40 ساڵ، بەنزین رشانیەسە بان خوەی و ئاگر خستەسە خوەی لەناو ماڵەگەی لە قەزای مەنسووریە لە باکوور خوەرهەڵات دیالە.

 دیاری کرد کە پاسەوانەگە ئەرا خەسەخانە بریا وە تەقەلای رزگارکردنی، و لە رەوشیگ سەختە، و دیاری کرد کە وەپەی زانیارییە سەرەتاییەیل دەرکەفتگە کە لە کیشەیل دەروینی و خیزانی رەنج کیشێد.