پارتی: هێزەیلیگ سیاسی جەخت لەبان حکومەت ئەرا رێگری لە جیوەجیکردن مادەی ١٤٠ کەن

Category: هــــه‌واڵ عــیراق

Date: 2021-02-18T11:19:10+0000
پارتی: هێزەیلیگ سیاسی جەخت لەبان حکومەت ئەرا رێگری لە جیوەجیکردن مادەی ١٤٠ کەن

شەفەق نیوز/ دیار بەرواری نوێنەر فراکسیۆن پارت دیموکرات کوردستان لە پەرلەمان عراق، ئمڕوو پەنجشەممە، جەخت کرد لە گرنگی گونجانن رەوشەگان لە ناوچە دابڕیایەگان ئەرا مقەیەتیکردن ئاسایش هەرێم و عراق وەگشتی، و ئاماژە کرد ک جەختەیلیگ سیاسی هەس ئەرا ریگری لە جیوەجیکردن مادەی ١٤٠.

بەرواری ئەرا ئاژانس شەفەق نیوز وت: حکومەت عراقی وەرین و حکومەت ئیسە، هیچ نیاز راسییگ لە باوەت جیوەجیکردن مادەی ١٤٠ لە دەستور عراقی و گونجانن رەوشەگان لە ناوچە دابڕیایەگان نەیرن، و ئەیە گشتی لەوەر ئەو جەختەیلە ک ئی حکومەتەیلە لە لایەنەیلیگ سیاسی کەفنە وەریان، و ئامانجەگە لەی جەختە خوەی ریگردنە لە هەر هەماهەنگییگ و هاوکارییگ ئەمنی و سەربازی لەناوبەین بەغداد و هەولێر.

و دیاری کرد ک بۆشایەیلیگ ئەمنی مەترسیدار و گەورایلیگ هەس، ئەراوە بایەدە رەوشەگان لەی ناوچەیلە بگونجیەن، نەگ لەڕی ئەوە ک وەڕێۆبەرنی وەدەس تەنیا پێشمەرگە بوود، بەڵکم وەڕێوبردن هاوبەشیگ لەناوبەین بەغداد و هەولێر بوود، ک ئی بۆشاییەیلە هەڕەشەیلیگ نەگ ئەرا هەرێم تەنیا دروس کەن، بەڵکم ئەرا گشت عراق، وەتایبەت ک ناوچەیلیگ هەس کەفنە وەر پەلامارەیلیگ تیرۆری، ک ریخریاگ داعش ئی بۆشاییەیلە ئەرا جوولەی خوەی وەکار تیارێد.

نۆینەرەگە لە فراکسیۆن پارت دیموکرات کوردستان لە پەرلەمان عراق هەمیش وت: مەنین رەوشەگان وەی جوور ئیسەیانە وەبی گونجانن رەوشەگان لە ناوچە دابڕیایەگان، و وەبی ئەوە ک وەڕێوبردن هاویەشیگ لەناوبەین بەغداد و هەولێر بوود، واتە رخ و نیگەرانیەگە لە ئامانجکردن هەرێم و عراق وەگشت ناوچەگانی وەردەوامە، وەتایبەت ک ئی بۆشاییەیلە هەڕەشەی ئاسایش و ئارامی عراق دەن، وشایەت بۆشایەیلیگ لە ناوچەیلیگ تر لەیانە مەترسیدارتر واز بکەێد.

related

داوەزین گەورایگ لە تووشهاتن و مردنەگان کۆڕۆنا لە هەرێم کوردستان

Date: 2020-12-03 13:51:29
داوەزین گەورایگ لە تووشهاتن و مردنەگان کۆڕۆنا لە هەرێم کوردستان

بەغداد مووچەی پەنج مانگ ئەرا فەرمانگە فیدڕاڵیەگان رەوانەکەێد

Date: 2020-09-18 07:27:39
بەغداد مووچەی پەنج مانگ ئەرا فەرمانگە فیدڕاڵیەگان رەوانەکەێد

حکومەت فیدڕاڵی ئەوەسا لە ماوەی ٤٨ ساعەت مووچەیل هەرێم کوردستان رەوانە کەێد

Date: 2020-12-12 15:09:35
حکومەت فیدڕاڵی ئەوەسا لە ماوەی ٤٨ ساعەت مووچەیل هەرێم کوردستان رەوانە کەێد

شاندیگ ئەمنی پایەبەرز وە سەرپەرشتیاری ئەعڕەجی سەردان هەرێم کوردستان کەێد

Date: 2020-09-27 07:49:51
شاندیگ ئەمنی پایەبەرز وە سەرپەرشتیاری ئەعڕەجی سەردان هەرێم کوردستان کەێد

ئەرا دوویەم رووژ.. دۆلار لە بەغداد و هەولێر داوەزێد

Date: 2021-01-10 07:33:52
ئەرا دوویەم رووژ.. دۆلار لە بەغداد و  هەولێر  داوەزێد

لەماوەی یەک هەفتە.. ٣٤١١ خاسەوبوین و ٤٧٤٩ تووشهاتن وە ڤایڕۆس کۆڕۆنا لە هەرێم کوردستان

Date: 2020-09-27 09:09:14
لەماوەی یەک هەفتە.. ٣٤١١ خاسەوبوین و ٤٧٤٩ تووشهاتن وە ڤایڕۆس کۆڕۆنا لە هەرێم کوردستان

سەرۆکایەتی ئەنجومەن نۆێنەران وەگەرد شاند حکومەت هەرێم کۆبونەوە کەێد

Date: 2021-01-27 11:18:47
سەرۆکایەتی ئەنجومەن نۆێنەران وەگەرد شاند حکومەت هەرێم کۆبونەوە کەێد

وە رێککەفتن وەگەرد بەغداد.. کوردستان "رەشو" وەفەرمی ئەرا پۆست قایمقام شەنگال کاندید کەێد

Date: 2020-10-15 18:40:37
وە رێککەفتن وەگەرد بەغداد.. کوردستان "رەشو" وەفەرمی  ئەرا پۆست قایمقام شەنگال کاندید کەێد