89 قوربانی لە ئەنجام رمیان زەوی لە ئیندۆنیزیا
2026-01-24T07:06:56+00:00
شەفەق نيوز- ئیندۆنیزیا
ئاژانس وەڕیەوبردن کارەساتەیل ئیندۆنیزیا، ئمڕوو شەممە، راگەیان کە 7 کەس گیانیان لەدەسدانە و 82 کەسیش بیسەروشوین بوین، دویای رمیان زەوی لە کەرت جاوەی خوەرئاوا وەگەرد خەوەر لە وارانوارین رفتیگ لە ناوچەگە.
وەرپرسیگ ئیندۆنیزی وت: زەوی لە ئاواییگ لە ناوچە باندونج خوەرئاوا رمیا.
عەبد مهاری قسەکەر ئاژانس نیشتمانی کارەساتەیل لە ئیندۆنیزیا ئەرا ئاژانس رۆیتەرز وت: شمارەی بیسەروشوینەیل بەرزە، تەقەلا دەیمن ئمڕوو رەنجەیل مینەکردن و رزگارکردن زیایەو بکەیمن.
وەرجەیە ئاژانس کەشناسی ئیندۆنیزیا هوشداری لە بەدی کەشوهەوا دا، و وارانەیل رفتیگ لە کەرت جاوەی خوەرئاوا تا ماوەی یەک هەفتە، وەگورەی سایت "كۆمباس" ناوخوەیی.
