ئيران.. هیزگردن ئاگر گەورەیگ لەناو دامەزراوەیگ نەفتی لە ئەسفەھان

شەفەق نيوز- تەهران

میدیایەیل راگەیانن ئیران، ئمڕوو دووشەممە، خەوەردان لە هیزگردن ئاگر گەورەیگ لەناو کارخانەی بەرهەمەیل نەفتی لەبان ری زيار خوەرھەڵات ئەسفەھان، وەبی ئاشکراکردن بڕ زەرەدەیل و مدووەیل ئاگرەگە.

هەشمارەیلیگ بەڵگەدار لەبان ئێکس پارچە ڤیدیۆییگ بڵاو کردن وتن هن ئەو ئاگرەسە، و ئاگرەگە دیار دەێد وەگەرد پارچەی گەورەیگ لە دویکەڵ سیا بەرزەو بوود، و تیمەیل وەرگری شارستانی پەسا کار لە کپەوکردنی کەن.

  ئی ئاگرە دویای دوو رووژ لە هیزگردن ئاگریگ گەورە تیەێد لە پاڵاوگەی ئابادان، گەورەترین پاڵاوگەی نەفتی لە باشوور ئیران، کە بویە مدوو کوشیان کارمەنیگ و زەخمداری بڕیگ ترەک.