وینەیگ ئەوە چەسپنێد کە کارکردن لە دامەزراو "فۆردو"ی ئیران وەردەوامە

شەفەق نيوز - تەهران

وینەیلیگ لە مانگەیل دەسکرد، کە ئمڕوو سێشەممە بڵاو بوین، نشان وەردەوامی کارکردن لە دامەزراو ئەتۆمی "فۆردو"ی ئیران وەردەوامە، هەرچەن کەفتە وەر پەلامار فرۆکەیل جەنگی "بی-2" ئەمریکی وێبگە زیاتر لە یەک هەفتە.

وەگورەی کەناڵ "ئای نيوز 24" عیبری، ئەو وینەیلە لەلایەن کۆمپانیای "ماكسار تكنۆڵوجيز" گریانە، کە دووارە مشتومڕ لەبان رلسی کارەبا لە بەرنامەی ئەتۆمیی ئیران دویای جەنگ هاوردەو.

کۆمپانیاگە وت: لە وینەیل نشان چالاکی وەردەوامیگ دریەێد لەناو دامەزراوەگە لە نووڕین کەلیەیل وا، کە هەر ئەوانەوە گورز ئەمریکا کریانە ئامانج.

 وەگورەی کەناڵە عیبریەگە، ئی وینەیل نووە وەردەوامی کارکردن ئامێرەیل چاڵگەنین نشان دەن، هەمیش بڕیگ لە تیمەیل دیار دەن کە هانە شان "چاڵەگەی باکوو" لە کەنار ئەو دامەزراوە لە ژیر زەوی.

ئەو وینەیلە وەگورەی "ماكسار"، هەمیش نشان چەن ماشینیگ دەم کە لە خوار کەنارەگە وە درویژایی ئەو ریە وسیانە، کە ئەرا رەسین وە دامەزراوەگە دروس کریاس.