وە پەنج ئامێر و 3 تانك.. جۊلەیگ ئیسرائیلی لە سووریا
شەفەق نیوز - دیمەشق
هێزیگ سەربازی ئیسرائیلی، رووژ چوارشەممە، کە پەنج ماشین سەربازی بوین، چگە ناو شمارەیگ لە ئاوایەیل دەرعا و قونەیتەرە لە سووریا، هاووەخت وەرد جۊلەی سێ تانک وەرەو ناوچەی تەل مەعکەر لە دەیشتایی قونەیتەرەی باشوور، کە جویلەیگ سەربازی لەناوی ئەنجام دان.
پەیامنێر ئاژانس شەفەق نیوز وت، کە هێزەگە لە ئاوایەیل مەعرییە و عابدین و جوملە لە ناوچەی حەوز یەرمووک لە دەیشتایی دەرعای خوەراوا دەرچگ، و رویکردە هەردوگ ئاوای مسیسۆن و مسریتییە، وەرجە ئەوەگ دریژە وە جۊلەی خوەی بیەێد وەرەو ئاوایەیل قونەیتەرەی باشوور، تا رەسیە سەیدا حانووت لە دەیشتایی قونەیتەرەی خوەراوا، و دۊاتر ئەرا دەروازەی ئەبو غەیسار.
دیاری کرد کە جۊلەگە هاووەخت بۊ وەرد دەرچگن سێ تانک وەرەو ناوچەی تەل مەعکەر، کە کەفێدە سەیدا حانووت لە دەیشتایی قونەیتەرەی باشوور، کە جویلەیگ سەربازی لە ناوچەگە جیوەجی کردن.
پەیامنێرەگە دەسنشان ئەرا ئەوە کرد کە ئامێرە ئەندازیارییەیل ئیسرائیلی، وەردەوام بۊن، لە کارەیل هەڵکەنین و تەختکردن لە خوەراوای ناوچەی سەیدا حانووت لە دەیشتایی قونەیتەرەی باشوور، لەناوی پرۆژەی ئەوەگ ناسریاگە وە کڕ "سۆفا 53"، کە ئامانجی دروسکردن قایمکاری و وەربەسەیل خاکییە لە ناوچەگە.
ناوچەیل حەوز یەرمووک لە دەیشتایی دەرعای خوەراوا و ناوچەیل پەرتەوازە لە دەیشتایی قونەیتەرە جۊلەیل سەربازی ئیسرائیلی دووارەوبۊ وەخوەی دۊنێد، کە چگن دەورییەیل و ئامێرە سەربازییەیل، و دانان بازگەی وەختانە و وەشکین ریوارەیل لەخوەی گرێد، بیجگە لە جۊلەیل تانکەیل لە ناوچەیل نزیک لە کۆمەڵگە نیشتەجیبۊیل.
ناوچەیل مەعرییە و عابدین و وادی رقاد لە دەیشتایی دەرعای خوەراوا، و سەیدا حانووت لە دەیشتایی قونەیتەرە، لە ماوەی رووژەیل گوزەشتە جۊلەی هاوشیوە وەخویان دینە، کە لەناوی گەردین دەورییە سەربازییەیل ئیسرائیلی وەرەو وادی رقاد، و جۊلەی ئامێرەیل و تانکەیل لە دەورگرد ناوچەگە بۊ.
