وە مدوو نوقمبوین کەشتییگ لە ئەندەنوسیا چوار کەس مردن و دەیان کەسیش بيسەروشوین بوین

شەفەق نیوز – جاکارتا

پۆلیس و تیمەیل فریاگوزاری، ئمڕوو پەنجشەممە، راگەیانن کەشتیگ کە 65 کەس لەناوی بوی لەوەخت رەدبوین لە گەرووی بالی لەناوەین دوورگەی جاڤا و بالی لە ئەندەنوسیا نقومبوی وە مدوویەو وەلای کەم چوارکەس گیان لەدەسدان و 22 کەسیش قورتارکریان.

واهیو سێتیابودی، ڕێکخەر سەنتەری مینەکردن و قورتارکردن بانیووانگی راگەیان، ئیوارەی دویکە چوارشەممە کەشتیی KMP Tuna Pratama Japa بەندەری کیتاپانگ  جاڤای خوەرهەڵات وەجیهیشت و نزیکەی 20 خولەک دویای چگن نیشانەی فریاکەفتن کلکرد هنای وەرەو بەندەر گیلیمانوک لە بالی چگە.

سێتیابودی دیاریکرد، کەشتییەکە 53 سەرنشین و 12 ئەندام تیم کەشتیوانی هەڵگردبوی، بیجگە لە 82 ماشین کە فرەیان بارهەڵگر گەورە بوین.

دیاریکرد بارودۆخ بەد کەشوهەوا و شەپۆلەیل وە بەرزی  ٢.٥ مەتر ئاستەنگی لە تەقەلایەیل مینەکردن وەدویای خوەی  هاوردیە، هاوکات ڕاپۆرتە نافەرمییەیل دیاریکردنە هاتێ   دزەکردنیگ لە ژوور بزوێنەر بویەسە مدوو پلیان کەشتیەگە.