وە مدوو نوقمبوین کەشتییگ لە کەنداو سویس، چوار کەس گیان لەدەسدا و 22 کەسیش زەخمداربوی
شەفەق نیوز ـ قاهیرە
وەزارەت تەندروسی میسڕی، ئموو چوارشەممە، مردن چوار کەس و زەخمداری 22 کەس راگەیان، وە رویداو نقومبوین کەشتیگ دەریایی لە کەنداو سویس.
وەزارەتەگە لە بەیاننامەیگ راگەیان، وەرپرسە باڵاگان میسر چەودێری دویای رویداوەگە کەن کە کەشتی12 ئادەم مارین رویوەروی بویە، لە ئیوارەی سێشەممە لە ناوچەی جەبەل ئەلزەیت لە کەنداوی سوێس نوقم بویە.
وتیش، دەسوەجی دویای رەسین خەوەرەگەی وەزیر بترۆل و وەزیر کاروبار رەسینەس شوین رویداوەگە و 27 ماشین فریاکەفتن ئەرا شوین روویداوەگە کلکریانە 7 گلەش ئەرا فرۆکەخانەی جونە، 4 زەخمدار وە ریگەی ئاسمانی و 18 ترەک لەری هشکانی بریانە خەستەخانەی جونە، تەرم چوار قوربانیەگەش ئەرا خەستەخانەی غەردقەی گشتی کلکریان.
وەزارەتەگە دووپات کرد چەودێری دۆخەگە کەن و ئاست ئامادەکاری لە وەرێوەبەرایەتی تەندروستی دەریای سوور و گشت خەستەخانەیل بەرز کەنەو، هەمیش بەردەوامە لە ئۆپەراسیۆنەیل مینەکردن و قورتارکردن، هەمیش بەردەوام داتایەیل وەپای پیشهاتەیل نووەوکەێد.
