وەزیر وەرگری کۆریا خوازێد لەناو زیندانەگەی خوەی بکوشێد
شەفەق نیوز/ دەسەڵات زیندانەیل لە کۆریای باشوور، ئمڕوو چوارشەممەر راگەیان کە کیم یونگ هیون وەزیر وەرگری دەسکیشیاگ تەقەلا داگە لەناو زیندانەگەی خوەی بکوشێد، دویای زیندانیکردنی لە چوارچیوەی پرس چەسپانن فەرمانەیل سەربازی لە وڵاتەگە.
ئاژانس خەوەری "يونهاب" کۆریای باشوور وت: کیم کە رووژ پەنجشەممە لە پۆست وەزیر وەرگری دەسلەکارکیشا، لەناو زیندان وەرجە دەرچگن یاداشت دەسگیرکردن فەرمی لەلایەن دادگا وە توومەت یاخیبوین هاتیە خوەی بکوشێد.
ئەو وەزیر وەرینە، توومەتبارە چوینکە ئەرکیگ یەکلاییکەر لە یاخیبوین داشتگە، و دەسەڵات بەد وەکارهاوردگە ئەرا ریگریکردن لە جیوەجیکردن مافەیل.
رووژ یەکشەممە، کیم دەسگیر کریا، و لە سێشەممەی دویای ئەوە دادگا فەرمان دەسگیرکردن فەرمیی دەرکرد.
هەرلیوا، پولیس کۆریا، ئمڕوو چوارشەممە، راگەیان کە چەک ناو نویسنگەی سەرۆک یون سۆک یول، دویای یەک هەفتە لە تەقەلای شکستخواردگی ئەرا چەسپانن فەرمانەیل سەربازی لە وڵاتەگە.
پولیس لە بەیاننامەیگ وت: تیم تایبەت لێکۆڵینەوە نویسینگەی سەرۆکایەتی وەشکانیە، هەمیش لە ئاژانس پولیس نیشتمانی و لە ئاژانس پولیس سیۆل پایتەخت و لە ئیدارەی ئاسایش کۆمەڵەی نیشتمانی.
شەو سێ لەبان چوار دیسەمبەر، یون ٦٣ ساڵە، وەناکاوەو چەسپیان فەرمانەیل سەربازی راگەیان، و دویای ئەوە وەتەنیا ٦ ساعەت ناچار بوی واز لەی گامە بارێد وە زوور پەرلەمان و جادە.
رووژ دووشەممە، وەزارەت داد کۆریا راگەیان کە سەرۆک قەیەغە کریا لە دەرچگن لە وڵاتەگە، و پولیس لێکۆڵینەوە وەردی کەێد وە توومەت یاخیبوین لە شوین تەقەلای چەسپانن فەرمانەیل سەربازی.
