وەرگرییەیل ئوردنی ریگری لە 18 مووشەک بالیستی ئیرانی کەن بی تومارکردن زەرەدەیل گیانی
شەفەق نیوز - بەغداد / عەممان / واشنتۆن
قسەکەر فەرمی وە ناو هیزە چەکدارە ئوردنییەیل، ئمڕوو چوارشەممە، خەوەردا کە سیستەمەیل وەرگری ئاسمانی لەناو سوپاگە رەفتار وەگەرد 20 مووشەک بالیستی کردنە کە ئیران وەرەو خاکەیل ئوردنی وەرداگەیان.
قسەکەرەگە لە بەیاننامەیگ دیاری کرد وە "نواگیریکردن و ویرانکردن 18 مووشەک لەلیان وە سەرکەفتن، لە وەختیگ دوو مووشەک لە ناوچەیل چووڵ لە گردەوبوین دانیشتگەیل کەفتنە خوار"، دووپات کرد لەبان تومارنەکردن زەرەدەیل لە گیانەیل وە مدوو پەلامارەگە.
یەیش هاوەختە وەگەرد ئەوەگ سوپای پاسداران ئیرانی، شەفەق چوارشەممە، راگەیان لەباوەت کردنە ئامانج بنکەی ئاسمانی ئەزرەق لە ئوردن وە مووشەکەیل بالیستی قورس، چۊ وەڵامیگ ئەرا گورزەیل ئەمریکی کە رەسینە بان کەشتییە هەڵگرەیل نەفت ئیرانی، و هەڕەشە لە وەردەوامبۊن ئۆپەراسیۆنە سەربازییەیلی کرد وەگەرد وەردەوامبۊن پەلامارەیل ئەمریکی.
لە وەرانوەر ئەوە، فەرماندەیی ناوەندی ئەمریکی خەوەردا، لە ویرانکردن 5 کەشتی هەڵگر نەفت خاو ئیرانی دۊای وەئامانجکردن کەشتییگ جەنگی سەروە هیز دەریایی ئەمریکی وە مووشەکەیل بالیستی لەلایەن سوپای پاسدارانەو.
لەلای خوەیەو وەرپرسیگ ئەمریکی ئەرا "فۆکس نیوز" دووپات کرد، کە هیچ زەرەدیگ گیانی لە ریزەیل هیزەیل ئەمریکی لە ئوردن نییە وە مدوو مووشەکواران بالیستی ئیرانی.
هەمیش وت کە هیزەیل ئەمریکی لە ئوردن وە تەواوی توانای خوەیان کار کەن، دیاری کرد کە وەڵام ئیران کاریگەر نەۊە لە وەرگرییە ئاسمانی و مووشەکییەیل.
