وەرگری سوریا ئەرا شەفەق نیوز: “هەسەدە” ئیدارەی کەمپ “هۆل” و سنووری وەرد عراق دەێدە دەس ئیمە
شەفەق نیوز/ وەزارەت زەرگری لە حکومەت نوو سوریا، ئمڕوو سێشەممە، بەشیگ لەو باوەتەیلە ئاشکرا کرد کە سەرۆک ئیسەی سوریا، ئەحمەد شەرع و فەرماندەی هیزەیل سوریای دیموکرات، مەزلوم عەبدی، لەبان تێکەڵکردن هیزەیل سوریای دیموکرات لە دامەزراوە فەرمییەیل ئەو وڵاتە لەبانی رێککەفتن.
وەرگری سوریا ئەرا ئاژانس شەفەق نیوز وت: “(هەسەدە) کەمکەم گشت چشتیگ دەێدە دەس ئیدارەی دەوڵەت سوریا، لەوانەیش وەڕێوەبردن کەمپ هۆل و وەرپرسیارێتی سنوور وەرد عراق”.
وەزارەتەگە وتیش: "گشت ئەرک و وەرپرسیارێتیەیل کەفێدە چوارچیوەی دەوڵەت، و لە وەختەیلیگ دیاریکریای".
ئیوارەی دویەکە دووشەممە، هەسەدە و ئەحمەد شەرع سەرۆک ئینتقالی سوریا، ڕێککەفتنیگ واژووکردن کە مەرج یەکخستن هیزەیلیان لە دامەزراوە فەرمییەیل دیاریکرد.
سەرۆکایەتی کۆمار سوریا راگەیان کە شەرع و مەزلوم عەبدی ڕێبەر هەسەدە رێککەفتنەگە واژوو کردنە، کە لەناوی مەرج یەکخستن هیزە مەدەنی و سەربازییەیل هەسەدە لە چوارچیوەی دەوڵەت سوریا بوی.
کەمپ هۆل نیگەرانییگ گەورەی ئەمنی دیرێد ئەرا دەسەڵاتدارەیل عراق، کە لە چەن ساڵ گوزەشتە تەقەلای بەسیانی دریا چوینکە دەیان هەزار ژن و مناڵ چەکدارەیل داعش و لایەنگرەیل ریخریایەگە هاناوی، وە ئامانج کەمکردن رخداریە ئەمنییەیل لەبان سنوور سوریا.
