وەرگری سوریا کۆتایی "ئۆپراسیۆن ساحل" راگەینێد و پەیمان مقیەتیکردن ئاسایش دەێد
شەفەق نیوز/ وەزارەت وەرگیری سوریا وە سەرۆکایەتی ئەحمەد شەرع، ئمڕوو دووشەممە، تەواوبوین ئۆپراسیۆن سەربازی لە پارێزگایل لازقیە و تەرتوس لە ناوچەی ساحل خوەرئاوای وڵاتەگە راگەیان.
حسێن عەبدولغەنی قسەکەر وەزارەتەگە لە قسەیلی ئەرا ئاژانس خەوەری سوریا (سانا) وت: سوپا پەلامارەیل لایەنگرەیل رژیم ئەسەد پویچەڵ کرد، و توەنست لە ناوەندەیل دوبریان بخەێد و فرەی ریوبانەیل سەرەکی ئارامەو بکەێد.
وتیش: پلانەیل نوویگ نریاس ئەرا تەواوکردن جەنگ وەرانوەر لایەنگرەیل رژیم ز کارکردن ئەرا کۆتاییهاوردن وە هەر هەڕەشەیگ لە بانان، دیاری کرد کە هیزەیل ئەمنی توانست لایەنگرەیل رژیم لە ناوچەی موختاریە و مزێرعە و زوبار و شوینەیلیگ ترەک لە پارێزگای لازقیە لەناوبەێد، هەمیش لە ناوچەی دالیە و تعنیتا و قەدموس لە پارێزگای تەرتوس.
دیاری کرد کە ئەوەسا دەزگایەیل ئەمنی لەەوەلا کار کەن ئەرا قایمکردن کاریان ئەرا مسۆگەرکردن ئارامی و مقیەتیکردن ئاسایش و بیوەیی خەڵک، کە پلانەیل نوویگ دانریا ئەرا تەواوکردن جەنگ لەڕوی لایەنگرەیل رژیم لەناودریای، و کارکردن ئەرا کۆتاییهاوردن وە هەر هەڕەشەیگ لە بانان.
ئمڕوو دووشەممە، رووژنامەی "النهار" لوبنانی وت: قەیران ئاوارەیی نوویگ لە ئاوای و ناوچەیل ساحل سوریا دەسوەپی کرد، کە فرە لە تایفەی عەلەوی خوەیان رەساننە ناوچەیلیگ لە لوبنان لە کەنار چەم گەورە.
دویەکە یەکشەممە، سەرۆکایەتی سوریا بڕیاریگ وە دروسکردن دەسەیگ نیشتمانی سەروەخوەیی دەرکرد ئەرا لێکۆڵینەوە لە رویداوەیل ساحل، کە لە شەش ئادار رویدان.
