ئوکراینا.. پەلامارەیل روسیا کارەبا لە کیڤ و دنیبروبترۆڤسک بڕن
شەفەق نیوز - کیڤ
سەرۆک ئوکراینیا ڤۆلۆدیمیر زێلینسکی، ئمڕوو شەممە، ئاشکرا کرد کارەبا لە نزیکەی 280 هەزار خێزان ئوکراینی لە ناوچەیل کیڤ و دنیبروبترۆڤسک بڕیاس، وە مدوو پەلاماریگ وەلایەن درۆنەیل روسیەیل ئەرا بان بنکەیل وزەی ئوکراینی لە پەلامارەیل کە لە شەو رویدان.
زێلینسکی لە بڵاوکراوەیگ لە بان تێلیگرام بڵاو کرد وت: "ئی گورزەیل روسیە بوینە مدوو بارودۆخیگ سەخت لەبارەی دابینکردن کارەبا لە گشت ناوچەیلەمان".
دیاری کرد "جیهان دوینێد کە روسیا بنکە مەدەنییەیل وە شێوەی وەمەبەست ژیر خان ئابووری مەردم کەێدە ئامانج و لەبان گشت کەسیگە کە نیەخوازێد ئێ ئەوزەڵکردن روسیا لەناو ئەوروپا بوود دەسمیەتی ئۆکرانیا بدەێد".
سەرۆک ئوکراینیا ڤۆلۆدیمیر زێلینسکی، پەنجشەممەی گوزەشتە، داوا لە ویلایەتە یەکگرتگەیل ئەمریکا و ئەوروپا کرد کە هەڵوێست بگرن دژ وە روسیا، لەدویای ئەوەگ درۆنیگ روسی وێستگەی شەمەندەفەر لە شار دنیبرو لە خوەرهەڵات وڵاتەگە پەلاماردا، کە بویە مدوو کوشتن 13 کەس وەلای کەم.
