وەخوارکەفتن فڕۆکەیگ وە 20 کەسەو لە ویلایەتیگ ئەمریکی
شەفەق نيوز/ 20 کەس وەگەرد تیم کاپتنەیل زەخمدار بوین، لە ئەنجام وەخوارکەفتن فڕۆکەیگ تایبەت وە بازکوتان وە پەرەشووت لە ویلایەت تینیسی ئەمریکا.
ئەو فڕۆکە نیمەڕو دویەکە یەکشەممە لە تولاهوما، باشوور ناشفيل کەفتە خوارەو، وەگورەی وەرپرسەیل ناوخوەیی و فیدڕالی.
لايل راسل، قسەکەر شارەگە لە بەیاننامەیگ لەلایەن ئاژانس فرانس پرێس بڵاو کریا وت: کەسیگ نەمردیە.
وتیش: 20 کەس لەناو ئەو فڕۆکەی دی هافيلاند دی ئەچ-6 توين ئۆتەرە بوین هەنای لە فرۆکەخانەی تولاهوما کەفتە خوار.
وتیش: سێ کەس وە کۆپتار ئەرا خەسەخانە بریا، وەکەسیگیش زەخمەیلی سەختتر بوی وە ماشین ئەرا خەسەخانەیگ نزیک بریا، ن کەسەیلیگ زەخمەیلیان سووک بویە، هەر لە شوین رویداوەگە چارەسەری کریان.
راسل وتیش: زەرەد وە زەمینەی فرۆکەخانەگە نەڕەسیە و کەسیگ لەبان زەوی زەخمدار نەویە.
وەڕیەوبەرایەتی فڕۆکەوانی فیدڕاڵی وت؛ لێکۆڵینەوە لە رویداوەگە کەێد، و وەڕیەوبەرایەتی ریەیل سەرەکی لە تینیسنی وت: ئەندامەیلی دەسمیەتی پولیس دەن لە شوین کەفتن فڕۆکەگە لە کەرت کوفی ناوڕاس ویلایەتەگە.
وینەیلیگ لەبان سۆشیال میدیا بڵاو بوین، فڕۆکەیگ چەرمگ بویچگ نشان دان لویتەگەی لەناو گیا تمیاس، و باڵیگی وەگەرد دویەگەی لەلیەو چەکیانە.
