وە توومەت سیخوڕی.. رووسیا دوو دیبلۆماسیی بەریتانی لە خاکی دەرکەێد
شەفەق نیوز/ حکومەت رووسیا، ئمڕوو دووشەممە، بڕیار دەرکردن دوو دیبلۆماسی بەریتانی دا، و دەرفەت دوو هەفتە وەپییان دا ئەرا وەجیهیشتن خاک رووسیا، دویای توومەتبارکردنیان وە سیخوڕی ئەرا وڵاتیان.
یەیش لە سای وەردەوامی داوەزیان پەیوەندییەیل دیبلۆماسی ناوەین رووسیا و ئەوروپا تیەێد، هەرچەن مۆسکۆ دانوسەنین کەێد ئەرا گلەوداین پەیوەندییەیلی وەرد ئەمریکا.
وەزارەت دەیشت بەریتانیا نەچگە ژیر ئەو توومەتەیلە وەبان دیبلۆماسیەیلی، و وت: بنەما نەیرن.
پاڵپشتیکردن وەردەوام بەریتانیا ئەرا سوپای ئۆکرانیا، و وتارەیل ئی دویاییە لەلایەن کێر ستارمەر سەرۆک وەزیرەیل لەباوەت ئەگەر کلکردن هیزەیل بەریتانیا و فڕۆکەیل ئەرا ئۆکرانیا لە چوارچیوەی هیزیگ کە هاتێ ئەرا مقیەتیکردن ئاشتی دروس بوود، بویە هوکار تویڕەیی مۆسکۆ.
دەکردن ئی دوو دیبلۆماسییە دویای سێ رووژ لە تاوانبارکردن سێ کەس بولگاری ولایەن دادگایگ لە لەندەن تیەێد وە بوخت یەکەی سیخوڕی رووسی.
دیارە بەریتانیەیل بوونە یەکەمین ئەو دیبلۆماسیەیل خوەرئاوا کە لە رووسیا دەرکریەن، لە وەختیگەو مۆسکۆ و واشینتۆن دەسکردنەسە دانوسەنین لەبان گلەوخواردن فەرمانبەرەیل باڵیۆزخانەی هەردوگیان.
دانوسەنین مۆسکۆ و واشینتۆن لە چوارچیوەی نزیکەوبوین دۆناڵد ترەمپ سەرۆک ئەمریکا وەرد کرملین تیەێد، ئەو کارە بوی کە نیگەرانی لەلای هاوپەیمانەیل ئەوروپی دروس کرد.
