گولەی ئیسرائیل دوو فەلەستینی کوشێد یەکیگیان بازیکەر تووپانە

شەفەق نیوز/ ئاژانس خەوەری و زانیاری فەلەستینی (وەفا)، ئمڕوو چوارشەممە، کوشیان دوو فەلەستینی لە کەرت غەززە راگەیان، یەکیگیان بازیکەر تووپانە.

ئاژانسەگە دیاری کرد کە حەمدان قشتە بازیکەر یانەی گەنجەیل رەفەح لەوەر زەخمەیل سەختی لە ئەنجام تویشهاتنی وە گولەی ئیسرائیل لە شار رەفەح باشوور کەرت غەززە گیانی لەدەسدا.

ئاژانەسەگە باس کوشیان فەلەستینییگ ترەک کرد، ئەویش لە ئەنجام زەخمداریی وە گورزیگ دڕۆن ئیسرائیل لە ناوچەی عەبسان جدیدە خوەرهەڵات شار خان یونس لە رووژ سێشەممە.

  لە وەختیگەو ئاگربەسی کەفتیەسە ئاست جیوەجیکردن لە کەرت غەززە وەرجە نزیکەی 50 رووژ تا ئیسە، دەیان فەلەستینی وە ئاگر ئیسرائیل کوشیانە.

یەکەم قۆناغ رێککەفتن ئاگربەستی لە غەززە رووژ شەممەی وەرجە گوزەشتە تەواو بوی، لەناو گومان وە تەواوکردن رێککەفتن و کۆتایی جەنگ.