کوشیان و زەخمداری 6 سەرباز ئیسرائیلی لە باشوور غەززە
شەفەق نيوز/ سوپای ئیسرائیل، ئمڕوو جمعە، کوشیان دوو سەرباز و زەخمداری چوار ترەک لە باشوور کەرت غەززە راگەیان.
سوپای ئیسرائیل لە بەیاننامەیگ وت: ئەو دوو سەرباز کوشیاگە هەرلە یەشای ئیلياكيم ئورباخ ويام فريد بوین.
وەگورەی بەیاننامەگە، سەربازەیلیگ تێەم زەخمداری سەختیگ بوین، و ئەرا خەسەخانە بریان.
رووژ پەنجشەممە، بزووتنەوەی حەماس وت: جەنگاوەرەیلی هانە ناو رویوەڕویبوین سەختیگ وەرد سەربازەیل ئیسرائیلی لە باشوور کەرت غەززە نزیک رەفەح.
حەماس لەو بەیاننامە کە لە ئەپلیکەیشن تیلیگرام بڵاوی کرد وت: بزووتنەوەگە هیمان چالاکە لەو ناوچەیلە کە سوپای ئیسرائیل لەناویان بڵاو بویە.
حەماس لە بەیاننامەیگ دویای ئەوە وت: کوڵە لە هیزیگ ئیسرائیلی لە 12 سەرباز گردنە لە ناو ماڵیگ لە گەڕەک تەنوور لە خوەرهەڵات رەفەح، وە دوو گولەی دژوە تاک و قەڵغان کردیانە ئامانج، کە بویە هوکار کوشیان و زەخمداری شمارەیگ لە سەربازەیل.
