کوشیان و زەخمداری 5 کەس وە تەقینەوەیگ لە مۆسکۆ

شەفەق نیوز/ تەقینەوەیگ لەناو مۆسکزی پایتەخت رووسیا، ئمڕوو دووشەممە رویدا، و بویە هوکار کوشیان کەسیگ و زەخمداری 4 کەس ترەک.
تەقینەوەگە لەناو کۆمەڵگەیگ نیشتەجییوین گرانبەها لە مۆسکۆ بوی، کە لەناو زەخمداەیل وەرزشوانیگ بۆکس بازی بویە کە کەتیبەی خوەیوەخشی دروس کردیە کە لەناو ئۆکرانیا جەنگ کەن، وەکورەی ئاژانسەیل روەس، لە زوان سەرچەوەیل فەرمی.
سەرچەوەیگ لە دەزگایل فریاکەفتن ئەرا ئاژانس "ريا نوفوستی"، وت: کەسیگ کوشیاس وە چوار کەس زەخمدار بوینە لەئەنجام تەقینەوەیگ لە دەروازەی کۆمەڵگەیگ نیشتەجییوین باکوور خوەرئاوای مۆسکۆ.
وەگورەی سەرچەوەیل، بومبیگ دانریاگ تەقیەسەو، وەلێ سروشت تەقیانەگە هیمان نادیارە.
هیز گەورەیگ لە پولیس لە دەورگرد ئەو بینا بڵاو بوین کە لەبانی کۆپتەر باڵەو گرد، وەگورەی قسەی رووژنامەوانیگ لە ئاژانس فرانس پرێس کە لەو شوینە بوی.
لەناو زەخمداەیل، ئەرمین سركسيان، دروسکەر کەتیبەی خوەیوەخشی "ئەربات" کە لە ئۆکرانیا جەنگ کەێد، لە چوارچیوەی پەلامار رووسیا، کە زەخمەیلی سەختە، و یەکیگ لە پاسەوانەیلی کوشیا، وەگورەی ئاژانس "تاس" رووسی،
ئانانسەگە وتیش: سركسيان سەرۆک یەکێتی بۆکس بازیە لە (کۆمار میللەتی دونيتسك) کە رووسیا ئی ناوە نایە ئەرا ناوچەیگ لە خوەرهەڵات ئۆکرانیا، دویای داگیرکردنی.
ئاژنسەیل خەوەری رووسیا، ئاشکرا نەکردنە ئایا کی لەی تەقینەوە کریاسە ئامانج.